Nakahawak si Erica sa braso ni Athena habang naglalakad lakad sila sa loob ng Mall. Gusto rin kasing ipasyal ni Athena ang kanyang manugang dahil napansin niya itong namumugto ang kanyang mata ng ihatid siya ng kanyang anak sakanila.
Napansin ni Athena ang biglang pagkatahimik ni Erica dahil hindi ito kagaya ng huli nilang pagkikita sa hospital. Kaya hindi natitigil si Athena na pangitiin ang kanyang manugang dahil nga alam niyang nakakasama ang Stress sa mga Buntis.
Tumingin siya sa tahimik na si Erica at ngumiti ito "Alam mo may bagong bukas daw dito na Coffee shop, you want some sweets?" nakangiti nitong alok.
Biglang pumasok sa isip ni Erica ang Coffee shop ni Monica dahil baka ito ang tinutukoy ng Mom ni Oliver. Ngumiti si Erica at tumango ito dahil ayaw niyang tanggihan ang alok
