Wala namang sinabi si Dax tungkol sa naabutan niya kanina. Ayoko nang sumakit ang ulo ko kaya hindi ko na iniisip pa kung may napansin ba siya o wala.
Ang importante ay wala na akong balak na makipagkita pa ulit sa kanilang mag-ama!
Hindi ako nagpahatid sa bahay namin. Address ng condo ni Vivien ang binigay ko kay Dax.
Hindi ko na rin siya inimbita sa loob at nilinaw ko na wala na akong balak na ipagpatuloy pa ang kung anong namagitan sa'min.
Medyo nagulat pa ako dahil hindi man lang siya kumontra at makahulugan niya lang akong nginitian bago siya nagpaalam na umalis.
Kahit na no'ng sumakay na ako ng taxi pauwi ay laman pa rin ng isipan ko ang reaksiyon ni Dax kasi nga no'ng una kong sinabi iyon sa kanya ay matindi ang pagtutol niya pero kanina ay wala man lang siyang violent reactio
