CHAPTER 5: BAICHI
Ayradel's Side
"OMG AYRA! Bakit ka binigyan ni Richard ng rose?" Sumugod agad ang mga babaeng kaklase ko sa table ko, habang sinusundan ko ng masamang tingin si Lee-ntik na ngayon ay papalabas na ng room. Naka-lagay sa bulsa ang dalawa niyang kamay, at nasa likuran niya ang ilang kaklase naming babae at lalaki na mukhang gustong makipag-kaibigan sa kanya.
Noong makawala sa tingin ko 'yong Lee-ntik ay humarang naman ang masamang tingin ng magpipinsang sina Jully, Zhien at Jecel. Sila rin 'yong maingay sa twitter noong isang linggo na may gusto rin kay Jayvee... ngayon ko lang na-gets na baka si Lee-ntik ang pinaguusapan nila sa tweets na iyon.
Inirapan nila ako't lumabas na rin ng room.
"Ayra! Mag-kwento ka naman!" doon ko lang namalayan na nag-dumog na ang mga kaklas
