"S-sorry." Nag-aalalang salita ko saka yumuko para damputin ang mga basag na tasang nagkasalat sa sahig.
Nanginginig ang mga kamay ko sa bawat pagdampot. Hindi ko malaman kung paanong magrereact matapos ang narinig.
Magkasama sila sa ibang bansa.
"Are you okay?" Ramdam ko ang paglapit ni Levi pero nanatili akong nakatungo, hindi ko alam kung kaya ko nga bang salubungin ang mga tingin nya.
"O-oo. D-dumulas kasi. Sorry."
"Clara." Awat nya sa akin saka ako inalalayan tumayo. "Sit here. I'll call Yvette to clean that up." Dagdag nya habang hawak ang pareho kong balikat at inupo ako sa bakanteng sofa na naroon sa harapan ng kanyang bisita.
Iniyuko ko ang aking ulo saka tinitigan ang mga nagkasalat na bubog sa sahig. Nang hindi ako nagsalita ay naramdaman ko ang pag-alis ni Levi. Mala
