Chapter 12
ILANG MINUTO NA lamang at maguumpisa na ang aming labanan. Nakapwesto na rin kami sa mga lugar na nakatalaga sa amin. Kitang-kita namin ang mga ilang NPA sa kanilang kampo.
Sa tiyantya namin hindi bababâ sa tatlong daan ang bilang nila. Napamura ako nang malutong sa aking isipan nang kakaunti lang ang bilang namin sa kanila. Hindi namin inaasahang ganito sila kadami rito.
Ang ilan sa kanila ay nagiinuman habang may mga dalang armas. Ang iba naman ay nakabantay sa paligid at sa kani-kanilang bahay na tinutuluyan. Ang iba naman ay nagmamatyag sa paligid.
Hindi namin sila minamaliit. Alam naming may kakayahan sila at karampatang pagsasanay. Hindi sila makakarating sa estadong ito kung wala silang alam sa pakikidigma. Matalino sila at walang puso, kung meron man para na lang
