Nasa ganoong pag-iisip ang dalaga habang nakasakay sa elevator. Nagbalik na lamang siya sa ulirat nang tumunog na ang elevator. Hudyat na nasa tamang floor na siya na kanyang patutunguhan. Pagbukas ng elevator ay agad siyang lumabas dito. Napangiti siya nang may makita siyang mga petals paglabas niya rito. Hindi niya man alam kung anong mayroon pero napangiti siya.
"Ang sweet naman ng nakaisip nito." aniya sa sarili. Muli niyang naalala ang pangarap niya noong bata pa siya. Na sana kung may lalaking manliligaw o magkakagusto sa kanya ay mag-effort din. Hindi man kasing effort nito pero iyon bang sweet at kikiligin ka. Agad siyang lumapit sa reception at iniwasan ang mga petals ng bulaklak dahil nakakahiya naman sa lalaking naghanda nito para sa iniirog niya.
"Anong mayroon, Miss?" tanong
