Chapter 34
GREG's POV:
"NAKAKARAMI ka na yata ng inom, Boss Greg... Tama na 'yan. Baka pumutok na ang pantog mo sa dami nang ininom mong alak," pagsasaway sa akin ni Andrew.
Inaya ko kasi ang lalaking ito na mag-inuman dahil gusto kong ilabas ang sama ng aking loob. Napagod lang ako sa wala. Nabigo ako sa aking plano. Ni hindi ko man lang napatay ang taong may malaking atraso sa buhay ko. Kaya yung hustisya na inaasam-asam ko para sa namayapa kong asawa ay hindi ko man lang nakamtan.
"Huwag mo akong pigilan, Andrew. Uminom ka na lamang kung ayaw mong pasabugin ko 'yang bungo mo," pagbibigkas ko.
Nagawa ko pa itong takutin at pagbantaan para lang manahimik siya.
Ayoko pa naman sa lahat yung minamandahan ako at kinokontrol ang aking desisyon.
"Huwag naman ganyan Boss Greg... Masyado
