NAPAHAGOD ako sa sariling buhok dahil sa pamomoblema. Hanggang ngayon ay nanginginig pa rin ako. Hindi pa rin humuhupa ang kaba at takot na nararamdaman ko.
Hindi ko alam kung anong gagawin ko. Natatakot ako sa banta ni Silent. Pakiramdam ko ay may gagawin siya. Posible kayang tuklasin niya ang totoo? Pero paano? Papa-imbestigahan niya ako?
Nang matapos ang pag-uusap namin kanina ay basta na lang siyang umalis ng resort nang walang paalam. At ngayong pagabi na ay hindi pa rin siya bumabalik. Hindi ko alam kung ano na ang ginagawa niya ngayon sa mga oras na ito.
"I'm sorry. This is all my fault."
Nabaling kay Tita Fely ang atensiyon ko nang marinig ko siyang magsalita. Nakaupo siya sa sofa na nasa gilid ko. Sa tabi niya ay ang asawa at sa harapan ko naman ay nakaupo si Mikael sa single
