"OH GOD, what I have done?" namomoblema kong tanong sa sarili habang sapo-sapo ko ang sariling ulo. Ramdam ko ang p*******t nito na aakalain mo ay binibiyak ang ulo ko sa dalawa.
Nang magising ako ay ganito na ang nararamdaman ko. Ni wala akong ganang bumangon mula sa pagkakahiga dahil sa sobrang bigat ng pakiramdam ko. I swear, hinding-hindi na ako mag-iinom!
Tila mas lalong sumasakit ang ulo ko sa tuwing maaalala ko ang mga pinaggagawa ko kagabi. Nakakahiya! Bukod sa sinabi ko kay Castiel Rivera na gusto ko siya ay mukha pa akong kawawang umiyak sa harapan niya na kinailangan niya pang patahanin.
Kahit na mabigat pa rin ang pakiramdam ay pinilit ko ang sariling bumangon mula sa pagkakahiga at dinala ang sarili sa banyo para maligo.
Nang matapos sa pagligo ay tinungo ko ang restauran
