ANG sumunod na dalawang araw ay dinala naman si Diwa ni Rogue sa isang resort. Tama yata talaga ang unang kutob niya—na gusto lang naman siyang makasama nito nang mas mahabang oras. Hindi alam ng lalaki kung paano siya iimbitahan nang tama o kung paano sasabihin sa kanyang gusto nitong makasama siya nang sila lang.
‘Kidnap’ na lang. Mas madali nga naman niyang maiintindihan na kinikidnap siya nito kaysa maging corny at magpaka-sweet. Hindi bagay kay Rogue. Mas bagay nga naman sa personality nito na mang-kikidnap kaysa manliligaw. Hindi alam ni Diwa kung tama ang nararamdaman niyang kilig. Siya lang yata ang ‘kinidnap’ na bawat segundong kasama niya ang ‘kidnaper’ ay memorable.
Sa unang araw sa resort, nag-ikot sila ni Rogue—sa virgin forest na napapaligiran ng old century trees. Para ta
