NAKAHIGA si Diwa yakap ang katabing unan nang pumasok sa kuwarto si Rogue. Nakabalik na sila sa rest house. Natanaw niya kanina ang lalaki na nasa labas, nakatanaw sa malayo na parang may malalim na iniisip. Pinili ni Diwa na huwag nang lumapit para hayaan itong mag-isa. Halos hindi na sila naghiwalay sa mga nakalipas na araw. Kailangan rin nito ang ilang minutong iyon na gusto ng lalaking mag-isa. Pinilit na lang ni Diwa na aliwin ang sarili sa mga hindi niya maintindihang games sa cell phone.
Kanina lang, tumawag si Maya. Wala raw sumasagot sa telepono sa apartment kaya sa cell phone na bigay ni Rique tumawag. Nag-aalala raw ito, naisip na naligaw na siya sa kung saan. Pagkasabi ni Diwa na wala siya sa bahay, nag-usisa agad ang kaibigan. Natawa na lang ang dalaga nang pagk
