Eilythia Hernandez’ point of view
Nang malaman kong nawawala ang mga anak at dinukot ito sa mismong hotel ay parang pinagsakluban na ako ng lahat ng masasamang bagay. Nalaman ko pa lang iyon pero parang nalagutan na ako ng hininga sa sobrang takot.
Paano kung may mangyaring masama? Paano kung hindi ko na sila makitang muli? Paano kung iyon na pala ang huli. . .
Takot na takot ako.
I was clearly asking for the Lord’s guidance pati na kay Mama at Papa pero hindi nila ako dininig.
Nagtagal ang paghahanap kila Aleeyah pero pagbalik, malaking sugat sa loob ang natanggap namin—sugat na kahit kailan ay hindi na muli pang maghihilom.
Ang napakalambing kong bunso ay hinarap kong matapang. Hindi na niya magawang gumalaw, hindi na nito magawang abutin ang mga kamay ko.
Napakabata niya pa.
