Sunod-sunod na napabuga ng hangin si Anthony nang maupo sa gilid ng kama. Pilit kasi niyang kinakalma ang nagwawala niyang puso. Kinakabahan siya sa idea na nasa iisang bubong lang sila ni Mia. Kung tutuusin, pwedeng-pwede niyang gawin kung ano man ang gusto niya. Sa liit ng katawan ni Mia, wala itong magagawa kung pupwersahin niya ito. Pero hindi 'yon ang dahilan ng kabog ng dibdib niya, kung hindi ang isipin na nandun na sila sa iisang bubong, pagkakataon na niyang malapitan at makapagtapat kay Mia pero dinadaga na naman siya.
"Bwisit! Bakit ba naduduwag ako pagdating sa pag-ibig?" tanong niya sa sarili. Ikiniling niya ang ulo. "Ah, hindi! Kaya ko 'to!"
Muli siyang tumayo at umakmang bubuksan ang pinto pero muli siyang bumalik at naupo sa gilid ng kama. Madali lang sa kanya ang sinda
