"Doughs, iayos mo si Mang Mando. Ibabalik natin siya sa ospital, " ani Anthony nang bumaling kay Doughs na noo’y tahimik na nakatayo sa isang sulok.
"Tigilan mo na kami," mahina at halos hindi na marinig na sabi ni Mia.
Napakunot ang noo ni Anthony. "What? Ganyan ba talaga katigas ang loob mo?"
"Wala naman akong ipambabayad sa'yo, eh."
"Bakit? Sinisingil na ba kita?"
"Hindi pa. Pero kahit ipagpaliban mo pa ang paniningil mo at kahit patagalin mo pa, wala namang mababago sa sitwasyon ko, wala pa rin naman akong maipambabayad sa'yo."
Napahaplos nang mariin sa mukha ang binata bago ito muling nagsalita. “Akala ko ba gusto mong gumaling ang papa mo? Sa tingin mo ba makakatulong sa kanya ‘yang pagmamatigas mo? Ni kaunti ba hindi mo kayang magsakripisyo para sa kanya?"
Napayuko ang dal
