Kasalukuyan ng nagsasampay ng damit si Mia nang tumawag si Hazel mula sa gate.
“Mia, naghahanap ulit ng part timer sa bar, baka interesado ka?” sigaw nito. Pero hindi ito napapansin ni Mia na noo’y tila lumilipad ang isip kung saan.
Pinagkakalampag ni Hazel ang gate hanggang sa makuha nito ang atensiyon niya. “Uy, Mia! Ano? Gusto mo ba?” sigaw nito.
“Ha? Ano, kamo?” kunot ang noong tanong niya habang papalapit sa gate.
“Grabe ka, Girl! Nabasag na ang eardrum ko sa lakas ng sigaw ko pero hindi mo pa rin ako naririnig? Okay ka lang ba, ha? ‘Yung papa mo, kumusta na?”
“Pasensiya ka na, may iniisip lang ako,” aniya habang binubuksan ang gate.
“Nabalitaan ko nga ‘yung nangyari sa papa mo. Sigurado akong mas malaki ang problema mo ngayon kaysa noon. Ano? Gusto mo ba’ng mag-part time?”
“P
