Wala si Doughs sa bench kung saan ito nakatambay kaya agad na dinukot ni Anthony ang cell phone sa bulsa atsaka niya ito tinawagan. Muntik pang malaglag sa kinahihigaan si Doughs nang biglang mag-vibrate ang cell phone nito na nakasuksok sa bulsa.
“Hello,Boss?” natatarantang bungad ni Doughs.
“Nasaan ka?” tanong ni Anthony.
“Nandito sa harapan ng ospital, Boss."
“Nasa harapan? Sigurado ka? Nagbabantay ka ba talaga o natutulog ka lang diyan?”
“Boss naman, siyempre nagbabantay. Sa pinupwestuhan kong ‘to, siguradong makikita ko lahat ng pumapasok.”
“Talaga ba? Bakit pala nakapasok ako nang hindi mo alam?”
Biglang napaigtad sa pagkakahiga si Doughs sabay tanaw sa parking area kung saan madalas mag-park si Anthony. “Lagot!” sambit nito nang matanaw ang sasakyan.
“Lagot ka talaga sa akin
