GIGIL na gigil na pinunit ni Adrian sa harapan ni Maddie ang hawak niyang bond paper na props para sa eksena nila. Nagsimula siyang ibato ang kaniyang mga linya nang makita ang babaeng tila nanlulumo nang sinusundan ng tingin ang maliliit na mga piraso ng papel.
“Ang isang gaya mong kayang itapon ang lahat para lang makuha ang gusto, hindi dapat nanghihinayang sa isang walang kuwentang basura lang.”
“Basura?” Pinanginig ni Maddie ang boses. “I-iyon na lang ba ang tingin mo sa lahat ng mga bagay na may kinalaman sa atin? W-wala na bang halaga sa ‘yo ‘yung anim na taong pinagsamahan natin?”
“Bakit? May problema ka ba ro’n, ha, Suzaine?! Hindi ba, wala rin namang kuwenta para sa iyo ang mga ‘yon? Quits lang tayo.”
“R-Rayver...” Dinamba siya ng yakap ng kaeksena. “Patawarin mo ako. Alam ko
