“HEY, Hon! What’s up?” masiglang bungad ni Adrian nang sagutin ang tawag ni Lara.
Papasok na ang sinasakyan niyang service van sa subdivision na tinitirhan niya sa Makati nang tawagan siya ng nobya.
“I’m just checking kung nakauwi ka na sa inyo. It's late na kasi, eh.”
“Pauwi pa lang ako. Kagagaling ko lang sa location.”
“Hmm, sige. Tawagan mo na lang ako ‘pag nakauwi ka na, okay? I love you.”
Ngumiti siya kahit hindi naman makikita ng kausap. May pinagpupuyatan yatang article si Lara nang magsabog ng kalambingan ang Diyos, kaya gising na gising ang babae at halos masalong lahat iyon.
“Okay.”
He’s not really into saying such sweet and cheesy words, pero ayaw naman niyang ma-offend si Lara kaya sa huli ay palagi pa rin siyang tumutugon.
“I love you, too.”
Ganoon ang naging takbo ng
