“Ayazairah.” Sa wakas ay nakita ko na din si Hreidmar. Natameme ako sa aking nakikita. Kakaiba ang hitsura n’ya ngayon dahil nakasuot s’ya ng kanyang uniporme bilang elemental knights.
Kulay puti iyon na may halong asul na bumagay sa kaputian ng lalaki. Mas lalo s’yang naging gwapo sa aking paningin. May nakasukbit din na espada sa kanyang tagiliran. Kasunod na din n’ya ang kanyang mga kaibigan na suot din ang kanilang uniporme.
“Alam kong gwapo ako kaya huwag mo ng ipahalata.” Hindi ko namalayan na nakalapit na sa akin ang lalaki. Inirapan ko na lang s’ya sa kanyang sinabi upang itago ang pagkapahiya. Sigurado akong tutuksuhin na naman ako nito.
“Bakit kasi hindi mo pa s’ya sagutin.” Tiyak ko na nakita nila ang hitsura ko kanina kaya inaasar ako ngayon ni Alfrigg.
“Hindi pa nga s’
