SYRELLE KEYZA ALTAIR POV
Habang patuloy akong naghahalo ng gulay sa kawali, hindi ko napigilang ibuntong-hininga nang malalim. Napansin iyon ni Carla na nakaupo sa dining chair, nakatungkod ang baba sa kamay niya habang pinapanood ako.
“Sino ba yang tinutukoy mong ka-partner? Halata sa boses mo na inis na inis ka,” tanong niya, sabay taas ng isang kilay.
Napatigil ako saglit, humarap sa kanya, at mariing binigkas, “Si Reevana.”
Napataas ang kilay ni Carla, sabay umayos ng upo. “Reevana… yung mortal enemy mo mula first year college?”
“Oo, siya nga,” sagot ko, sinabayan ng mapait na ngiti. “Akala ko nga ligtas na ako sa presensya niya kapag nag ojt tayo, pero ayun—kasama ko pala sya dito sa OJT. At syempre, malas ko pa na siya ang itinapat sa akin bilang ka-partner.”
“Grabe, parang tel
