SYRELLE KEYZA ALTAIR POV
Habang tinatapos ko ang pagkain, hindi ko na matiis ang tahimik na pag-upo ni Carla. Kita ko sa bawat galaw niya na may mabigat siyang tinatago—at kilala ko siya, hindi siya ganito kung walang pinagdadaanan.
Pagkatapos naming kumain, tumayo ako para maghugas ng plato. Habang abala ang kamay ko sa sabon at tubig, nagsalita ako nang hindi siya tinitingnan, para hindi niya maramdaman na masyado ko siyang pinipilit.
“Carla, kilala mo ako. Alam mong hindi ako titigil hangga’t hindi ko nalalaman kung ano talaga ang nangyayari,” mahina pero matatag kong sabi. “Ayoko lang na mag-isa mong dalhin kung ano man yan.”
Tahimik siya sandali, naririnig ko lang ang mahina niyang buntong-hininga. Hanggang sa maramdaman ko ang bahagyang panginginig ng boses niya nang magsalita s
