SYRELLE KEYZA ALTAIR POV
Unti-unti kong naramdaman ang bigat ng mga talukap ko. Para bang napakahirap buksan ng mga mata ko, pero sa huli ay nagawa ko rin. Pagdilat ko, hindi agad ako nakagalaw. Nanlaki ang mga mata ko nang mapagtanto kong hindi ito ang kwarto ko sa bahay.
Puti ang kisame, malinis at moderno ang disenyo. Ang mga ilaw ay naka-dim lang, at may mahinang lamig mula sa aircon. Napaupo ako bigla, mabilis ang kabog ng dibdib ko.
“A-asan ako…?” mahina kong bulong sa sarili.
Napatingin ako sa paligid—isang sofa-bed ang hinihigaan ko, may maliit na center table sa gilid na may nakalagay na tubig at gamot. Sa dulo, may isang pintuan na tila nakaawang, at may naririnig akong mahihinang yabag mula roon.
Napakagat-labi ako at napahawak sa sentido ko. Parang binabalikan ako ng alaa
