Nag-iinit ang buong mukha ko dahil sa nangyari sa office ni Everest. Ngunit hindi lang mukha ko ang nag-iinit, ang buong katawan ko rin. Bumuga ako ng hangin.
Nang mai-park ko ng maayos ang aking sasakyan ay dahan-dahan akong naglakad papunta sa bahay ni Galiana. Siya lang ang pwede kong kausapin tungkol sa nangyayari sa akin ngayon.
Nag-doorbell ako. Ilang ulit kong pinindot ang doorbell pero hindi pa rin binubuksan ni Gal ang gate niya. Nagtaka ako. Biglang binundol ng kaba ang puso ko dahil baka sinumpong na naman ito ng sakit niya ulo at wala itong kasama sa loob ng bahay niya. Akma kong aakyatin ang gate nang lumabas si Saint at pagbuksan ako.
Kumunot ang noo ko nang mapagmasdan ang binata. Sinabi na ni Gal sa akin na titira muna ang binata rito sa bahay ng kaibigan para mabantayan
