الفصل الثاني

3110 Words

ألف باءالعذاب التفتنا وكان في ولد لابس هدوم الثانوي الخدر ديلك كان هو ماشي ورانا وبصفر اظن بشاغل فينا والله اعلم وقت شفتو رجعته راسي سرعه سرعه وقلته : اللهم قوة مكارم وقت لفتت شافتو قالت : اللهم الثبات اللهم قوة ما بعدها قوة دا شنو دا دا ! لا حولا ولا قوة الا بالله ! تاني قالت لالا هو مالو سمح كده بس سؤال ؟ قلت ليها لأ أعلم والله لما لا تسأليه. لكن بغض النظر عن اي شيء الود صراحه كده قرض قرض بكل م تحمله الكلمه هذه من معني. يعني شخصية كده جذابه ومثيرة للانتباه ياخ حيرني زاتو لكن اختكم م النوع البنبرش بالعلني كده بنبرش جوه نفسي لا من شاف ولا من دري طبعآ كان بصفر سسسساي بس ولا اشتغلنه بيهو وولا بينا ليهو انو هو ود سمح وكده واننا مكرشين. ومشينا لغاية وصلنا اليوم مرة عادي لا جديد يذكر ولا قديم يعاد المهم لغاية طلعنه فسحة الفطور طبعا الا زوقته من مكارم وهي فتشتني م لقتني انا ادسيت ف الحمام واستحملته الريحه لغاية جرس الفطور ضرب قومتة طلعته من الحمام وجريت الفصل ما كنت عايزاها تعرف اني ما عندي حق الفطور لانو كل مره بتشتري سندوتش واحد بتقسمو علينا الاتنين يعني هو واحد م بكفيها خلي لمن تقسمو معاي + اصلا انا م بكون جعانه شديد لانو باكل الصباح في البيت فبكده هي الحتتظلم. المهم وقت رجعت الفصل مكارم قالت لي كنتي وين وقبل ما ارد الاستاذه جات داخله حمدته ربي وانتبهته ف الحصه بالرغم من قرصة الجوع البدت تجيني طلعنه نهايه اليوم بعد خلصو لينا الحصص وكنا ماشين ف الشارع كده ونحن #كووتة بنات بنتعاور ساي وجايطين جوطة شديدة خلاص يلا تتذكرو الود الصباح اللاقنا انا ومكارم وكان بشاغل وبصفر. اي الود الحلاتو داك بااااس يلا هو زاتو كان لابس ملابس الثانوي الخدر ديلك بضم الخاء قام قال : البت اللابسه اسبورت احمر (طبعآ دي انا ههععع بحب اللون دا ياخ انتو مالكم ) التفته ولقيتو ماسك كراس في يدو قال لي : هاك دا وقع منننك اسي وانتي ما منتبه قلت ليهو لالا دا م حقي اكيد انت غلطان قال لي ي بت اخير ليك اسمعي كلامي الكراس دا وقع منك اسي وانتي ما منتبه قلت ليهو لالالا قلت ليك قال لي آخير ليك تسمعي الكلام وتجي تشيليهو مكارم قالت لي بالراااحه : ي بت شيليهو واديني ليهو ان شاء الله اعملو كشكول بدل ما تمعطونا كده انتي وهو قمته حمرت ليها ومشيت شلتو منو وحشرتو ف شنطتي في لحظة زهول مكارم الكانت ماده يدها عشان اديها الكراس تعملو كشكول قال يكشكل راسها الكبير ده هههههع **** ف البيت بعد وصلته غسلته العده حقت الصباح د*ك ومعاها عدة الفطور. قلت كان ما يعملو فطورهم لمن انا اجي اعملو ليهم عشان يطفرو طبخته وكنسته ومسحته واستحميت وصليت ف زمن واحد وم تسألوني كيف لأني م حأوريكم ده سر المهنة طبعا جيت رقدته عشان ارتاح شويه واتذكرته انو التمرين حق الفيزياء م حليتو فطوالي قمت وشلته شنطتي ومن فتحتها الكراس لقيتو ف وشي جا طالع. شلتو عاينت ليهو مسسسافه اولا حاجة والله الكراس ده ما حقي اجي يخواني تاني حاجه لاحظتة الاسم : توفيق الصادق. كررت الاسم توفيق الصادق توفيق الصادق.. توفييق .. الصادق ده منو يا آثار انا ما بعرف زول بالاسم ده والله قلته ف نفسي : هو بستهبل وله شنو ؟ دا كراسو هو م كراسسسسي انااا والله دي عوارة جديدة شكلها لكننن التراب ف خشمو لو رجعتو لييييهو تاني يشمو قدحه توم بس نا عندي بيهو شغله وحبقيهو كشكول انبذ فيهو علا وامها. حاجة قالت لي افتحيهو شوفي الجواهو ي بت ي آثار وفعلا قمته فتحتو واول صفحه اتخلعت خلعه الجن بالشفتو شفتو شكلي ملاممممحي هيئتي لبسسسسي حتي الاسبورت الاحمر الزول دا راسمني بكل تفاصيلي الرسمه تقول تتكلم كأنها صورة ما رسمة .يعني شي كده عجيب والله اعلم. رسمها متين وكيف الله اعلم. يعني حتى لو فنان عالمي مفترض يرسمها والشخصية قدامو وهو بس سافني الصباح ورسمني كده. الزول ده موهوب والله. اتذكرت وقت قال ي بت اخير ليك تجي تشيليهو وفعلا بركة المشيت شلتو. والله م حسيت بي دموعي وهم نازلين وم انتبهته الا لي علا وهي بتقول : اصلآ امور الهنود دي لو م عملتيها اليوم م بمش دموعك حقات التماسيح ديل حفظناهم والله كدي شوفي ليك حاجة تانيه تستعطفي بيها الناس. طبعآ كشحته ليها و ولا قلت ليها انتي بتقولي ف شنو ودا الشي الخلاها تتتتفرس فرسسسة الجن اتغاظت مني غيظ والله كن ادوها مسدس كان رصصتني بعد طلعت من الغرفه فتحتو تاني و قلبته الصفحه ولقيتو كاتب كل ما قرب اجيلك خوفي منك يزديني هيبه حاسي انك حتة مني والتقيتك بعد غيييبه انك حته منييي كل عمري معاك ايام. كل سنة وانتي طيبه * اغنية سلمي عشان ارد السلام د*ك طبعآ بموت فيها ما عارفه عرفني بريدها كيف قفلته الكراس ونومته وانا حاضنه الكراس وانا حاسه بشعور عجيب ** صحيت من النوم وكان المغرب لمن آذن مشيت اتوضيت وصليت كنت متفائلة بصورة غريبه جداً ومبسوطة كده. كأنو الولد ده بقول لي انا الف*ج الابوك دايماً بحكي ليك عنو. وبسبب انبساطي حسيت بجوع عجيب عشان كده مشيت المطبخ قلت آكل لي حاجة لكن الحلل قالت هيهات هيهات ان الآوان فوات وقد فرض عليك الان النوم بالجوع . ولا اتكلمممته ولا قلت حاجة غير قفلتهم وورجعته غرفتي وبس قعدته ابكيييي ساي ما عارفه بكيت عشان انا جعانه ولا عشان نمت والاكل فاتني ولا عشان هم ما اتذكروني وفضلو لي. ولا عشان انا طبخت وتعبت وما اكلت من اكلي.. كل البعرفو اني بكيت بسبب الاكل بكييييت لمن حسيت بتحسن وتاني قلته لي روحي هي ي آثار بطلي بكى دي ما اول ولا آخر مرة تتطبق فيك النظريه دي وانا يعني الجديد شنو في الموضوع ياما اتحرمته من الأكل ف البيت دا لبسته توبي عشان امش لي مكارم وشلته كراسي اللفيهو رسمتي ومع مرقتي لاقيت عمار ود عمي البكرهو عمى كن بتتذكروهو الكان بدقني وبهرشني داك قال لي ماشه وين انتي! قلت ليهو لي مكارم عشان نحل التمرين سوا قال لي ارجعي جوه طوالي رجعته الغرفه وم انتظرت منو رد تاني لانو كلامو واحد اصلا عمار زي م قلت ليكم متزوج وم كان عندو اطفال يمكن عشان كده كان قاسي لانو ما جرب إحساس الابوة وبالتالي ما عندو حنية في قلبو. لكن هيي انا بغش منو ما ياهو عمي ومرتو مجربين الاحساس وما شفت منهم اي حنية. عمار طبعا ساكن معانا ف البيت وانا علاقتي بي مرتو عاديه يعني عادي ممكن شهر ما تتكلم معاي ولا اتكلم معاها وعايشين ومبسوطين. لكن انا برجح زعل عمار وغضبو انو مرتو بت خالو وخالو ده صعب الناس شت بتخاف منو واولهم امو لي عمار وهي محذراهو انو يفكر يتزوج في بت اخوها عشان كده بجي بفضي زهجو في العبد لله انا مشيت قعدته ف السرير وحلفته م ابكي قلت اشغل تفكيري بأي شي بس والله م قدرته ي جماعه والله م قدرته ي ريت تحسو بي ياخ امي م شفتهتا نهائي لانو السرطان الحاقد سرقها مني واخوي سندي م شفتو لانو الجلطه خطفتو من عيوني وابوي ضهري الرباني و م كان مقصر معاي نهائي الكان امي واخوي الما شفتهم وكان اختي الما ولدوها كان كل دنيتي برضو مشي وخلاني للعذاب والألم والمعاناة ! لي انا الطفله الوحيده البدل تتربي بالحنان تتربي بالعذاب ليي يعني اتخيلو معاي! كانت معاملتهم كويسه معاي لغايه عمي استولي ع البيت من وقت كان عمري 11سنه خلاني مضيت علي ورق ومن الزمن داك وانا عايشه في عذاب عرفته وقت كبرتة حبه انو مضاني علي ورق بيتنا وباعو وشال القروش ! فما عارفه زاتو ده ياتو فساد يخليهم يعتمدو توقيع بت قاصر. لكن ما بعيد يكون زور شهادة ميلادي زاتو ما كل حاجة متوقعه منهم .شالو بيتي وحياتي واسي بقوني خدامه تحت رحمتهم استغفر الله بس عشان كده بكيت. اتذكرت ده كلو وقعدت ابكي رقدته نومتة بي جوعي داك تاني يوم جهزتة وطلعته كنا قاعدين ف العريشه عمتي الحب كبت لي بتها الشاي و ولا عاينت اتجاهي زاتو وقلبها ما حن ولا لي لحظة انو تكب لي شاي مع انها عارفاني امس ما متغديه آكلتها ف حناني والله وشلته شنطتي وطلعته وبرضو كنت ببكييي ولا مريت علي مكارم زاتو ومشيت خليتها لانو ما عايزاهم يشوفوني ببكي. وانا ماشه بقش دموعي لاقاني سيد الكراس الامس اصلآ بقي لاصق جمب المدرسه زي لصقة الضب في الحيطة وقت شافني قاعده انتحب سسسساي جراني من يدي و ولا اتكلم معاي زات وانا زاتي اتفاجات وم قدرت اعمل اي رد فعل. مشينا حته فيها شكل سبيل كده قريب من المدرسه وداني هناك وشال مويه بالكوز واداني ليهو قال لي اشربي وغسلي وشك الشين ده شربته وانا اسناني بتصتك بالكوز وكنت برجف من البكاء قال لي كدي استغفري ربك يا #آثار صدقيني الدنيا وما فيها ما بستاهلو نقعد نبكي عشان كده استغربت عرف اسمي من وين بس م ركزتة واستغفرته ربي غسلته وشي كمم مرة وختيت الكوز في المزيرة قال لي اقعدي يلا النحدثك (التقول انا واتساب) قعدته بين الزيرين وهو ختي كراس وقعد ف الأرض واتمحن وهو بعاين لي منظرنا كان مضحك والناس كانو بعاينو لينا وبضحكو بالذات شفع الاساس في واحد من اولاد تامنه قال ليهو : ي ترفة مزعل المزه دي ليي دي بزعلوها اسي بي جزمتها الحمرا دي توفيق : قتند ي وتنهمي من هنتا ( قد ي وهمي من هنا هههه احيي من الراندوك ) قومتة طوالي ضحكته الناس دي اتنمرت على جزمتي يا جماعه قال لي : يلا الضحك دا كلوو بقروش قلت ليهو يقرش حلقومك ي رب قال لي جمعآ كده يا حاقده . طوالي قوومنا ضحكنا نحن الاتنيين ف اللحظة الكنا بنضحك فيها في زول شافنا بعيون حاقده جداً جداً حأوريكم ليهو بس م أسي ما تستعجلو للشينه في مكان تاني زي حوالي الساعه 2:34الضهر قريب من مطار الخرطوم كان في شاب اسمر كده ماسك شنطتو ومضاري وشو من الشمس بي جريده وقف ليهو امجاد وقال لي سيدها وصلني ال.... لو سمحته يلا دا منو ؟ وماشي وين ؟ وجاي من وين !؟ حنعرف بعد شويه كده برضو اصبرو الصبر سمح * انتهي اليوم الدراسي بخير ومكارم اخدت زمن طوييييل حتي سامحتني لاني مشيت خليتها بالصباح رجعنا البيت وكالعاده برنامجي المعهود رميت الغسيل ف الغساله والزمن كان زي حوالي الساعه 5:34م كده علا كانت نايمه ف غرفتها وضاربه التكيييف وعمتو طلعت مع مرة ولدها يحومو ف الحله والله اعلم عشان كده قلته اشتغل احسن لي بدل يقتلني الملل. وانا واقفه فجآة راسي لفه وم حسيت بروحي الا وراسي برتطم بالغساله صرخته مع الوقعه وفقدته الوعي طبعآ لكن ماف زول سمعني عشان الصوت عالي وكده. ** في مكان تاني في نفس البيت عمار كان قاعد في الصالون وفي السرير المقاصدو كان في واحد نايم في سابع نومة عمار : فندام اصحي ي زول كفاك نايم 5ساعات انت ما عندك دم ولا شنو فتح عيونو #ببطء بعد اتمقه كدااا عمار : قوم قوم امش اخد ليك حمام فندام : والله ي ود العم جسمي دا م**سسسر التقول **رته لي حطب عمار هههههه انت راكب طيارة لاحظ م جاي كداري من الأردن وواصل اها عمي كيف عليك الله ؟ فندام : عمممك بقي نقناق ياخ والله في الدقيقة بعمل مرجع عديل برش الف كلمة والفترة الأخيرة دي بقي يتكلم انجليزي شي جايب اسم غردون شي محمد علي باشا.. قلت يا زول ها تقعد تفني حياتك تسمع في تاريخ السودان الما جايب حقو ده احسن اكبرا وياهو قلته اخلي ليهو الاردن كلها واجي هنا عشان ارتاح وهو يرتاح شويه عمار : وحترجع أسبانيا متين؟ فندام : البلد دي كشنتها ياخ م نفعت معاي كلو كلو من امش هناك بطقني فلس عجيب. جريت الأردن قلت اقعد مع الحاج بس اخواني الصغار مزعجين ومرتو كل دقيقه بتحمر لي +نقتو الكتيرة قلت اجي هنا احسن دا لو ما شفته لي عروض . عمار : العيشه هنا صعبه بس لكن احسن تغير جو لاني متأكد حتتم شهر وترجع تاني ههههه السودان ده دمو تقيل فندام قام وبلبس نعالو ماش الحمام انا. عمار : بتعرف الوصف وله اقوم اقدمك آشر ليهو بي يدو يعني اقعد اقعد م مشكله فندام ولدو لي عمو مبارك عايشين في الاردن من زمممان وم بنزلو السودان طوالي انا عن نفسي م حصل لاقيتهم لكن سمعت بيهم سمع بس فندام شاب ف بداية الثلاثينات أقل حاجه ممكن نقولا ليهو انو وسيم طويل وبنيتو رياضيه درس تمريض عالي ف االاردن بالرغم من انو في الجامعه بس كان بجيب لي ابوهو كم رطل مشاكل كل يوم يعني م قاعد يقصر نهائي وحيد عن ابوهو وامو متوفيه من بدري عاش مع مرة ابوهو ووقت خلص جامعه مشى آسبانيا ومارس مهنة التمريض هناك. ده كل المحتاجين نعرفو عنو حالياً * وقت مشي ع الحمام شافني واقعه جا جاري و رفعني خلعو منظر الدم عشان كده قعد ينادي : ي عماار ! الحق ي عماار ! عمار جا طالع واتخلع من المنظر الشافو و جرا الشارع جاب ركشة غايتو وبما انو فندام دا ممرض اسعفني و وقف النزيف لغاية وصلنا المستشفي الحمد لله الضربه جات خفيفه ع الراس و الدكتور قال ليهم آكلي ضعيف عشان كده فقدته الوعي اخدته علاجاتي و المساء خرجوني واحب ابشركم لا عمتي ولا بتها ولا عمي ولا حتي هدى مرت عمار ماف واحد فيهم جا يشوف الحصل لي شنو ولا كلف نفسو يتكلم معاي تلفون ساي ف الركشه الولد الانقذني اللهو فندام قال لي : اها ي علا بقيتي كيف؟ قلت ليهو بصعوبه : بس انا م م م علا طبعآ استغرب هنا عمار قال ليهو دي آثار بت المرحوم سعد ي فندام فندام : عليك الله؟ سبحان الله عدم المعرفة مشكلة والله و واصل : طيب يا آثار بقيتي كيف ؟ هو لكن انتي آثار وله إيثار؟ وبتقري ف سنه كم ؟ والوقعك شنو؟ اي سألني ديل كلهم ف زمن واحد وانا جاوبته ع اسألتو كلها ف نفس الزمن وم تسألوني كيف لاني م حأكلمكم ده سر المهنة وقت وصلنا وجينا داخلين اول كلمة قالتها مرت عمي : امور الهنود العملتيها دي م بتنفع معاي يا بت هوي والهدوم البليتيهم ف الغساله امشي واصلي غسيلهم لانو ماف زول حيغسلهم فندام : بس يا عمتي البت اسي طالعه من المستشفي ! علا وين خليها تغسلم هي قالت ليهو ي ولدي انا عارفه شغلي كويس بعدين تعال عندي معاك موضوع. يعني فندام كان الضوء اللفي آخر النفق كان الف*ج. بس هل يا ترى حيستمر الف*ج ده؟ لمن عمتو اقبال ساقتو ودخلو ف الهول عرفت انو ما حيستمر فطوالي انا مشيت غرفتي طلعت عبايتي ورقدته حبه راسي كان بنتح نتح والصداع حيفرتقو عشان كده بلعته مسكن واستكنته حبببه وقلت هي ي آثار قومي غسلي غسيلك لانو فعلا ماف زول حيغسلو. اصلا الرقاد والراحة حقات البهايم والشغلة والمساككة حقت الهوانم دي كانت القاعده الانا شغاله بيها فكانت بتحفذني وبتديني دافع للأمام وقت مشيت محل الغسيل تفاجآته بالذي رآيته حنعرف بس الصبر يا جماعه لقيت الولد الوداني بالركشه بشر ف الهدوم. غسلهم ومصمهم وفضي الغساله وكان بشر الهدوم غسلهم كلهم خمسه دقايق وشراهم اتخيلو بس قلت ليهو لييي! انا كنت حأغسلهم! قال لي انتي طالعه من المستشفي اسي ارتاحي ساي انا فندام ع فكرة ولد عمك مبارك قلت ليهو اي سمعته مرت عمي وهي بتكلم علا عنك. ابتسم ومشي طبعآ اول مرة زول يعاملني كده ف البيت دا. فرحتتتته شديد وقلت الدنيا لسع بي خيرها يا آثار بس ي ربي صحي الدنيا لسع بي خيرها دا سؤال جوابو حتلقوهو قدام عند فنادم * تاني يوم مشيت المدرسه طوالي لانو لو قلت اقعد ف البيت عشان راسي مضروب م حأرتاح من شغل البيت . عده اليوم الدراسي عادي لغاية طلعنه نهاية البيوت. كان توفيق واقف برة جمب المدرسة ومن وقت طلعته ناداني وجا علي وقال لي بقيتي كيف؟ استغربته طبعآ عرف من وين وقبل م افتح خشمي حسيت في زول جراني من يدي وبمجرد م التفته حسيت بكف ! لقيتو دا عمي ? عيونو كانت محمرة من الغضب وقال لي : انا ادفع ليك ف القروش وانتي تجي تصيعي هنا مع الاولاد يا عديمة الأخلاق انتي عاوزه توطي راسي صاح ي بت سعد ! دي مصيبة شنو ركبتها في راسي انا قبل م افتح خشمي اداني كف تاني ولزاني قدامو وقال لي توفيق : حسابك جاييك ورا انت كمان. طول الطريق كان بضرب فيني وانا بس بقاوم بدموعي الناس كلهم كانو واقفين وبنبزو فيني وفي اي بت ثانوي لأنو طريقة ضرب عمي لي خلتهم يظنو انو عمي قبضني في موقف مخل للأدب مع زول . وصلنه البيت ولزاني تحت كرعين مرتو عشان تديني نصيبي انا زاتي قال ليها الحيوانه دي لقيتها واقفه مع ولد وم شفتي شكلهم عامل كيف! وطت راسي الله لا **بها طبعآ هي زاتها استلمتني و وقعت فيني خبت وكفيت والله فشت فيني اي غ*ينة هي كاتماها جواها عمار جا طالع من بيتو هو ومرتو وقت سمعو الجوطه عمي قال ليهو علا قالت لي يومي في ولد بتقيف معاهو جمب المدرسه وبتونسو وقالت لي لو م مصدق تعال شوف وقت بنطلع من المدرسه وفعلآ لقيتها واقفه معاو بأبشع منظر وتضحك زي الما عندها ولي ! لاحظو لزياده الكلام لاحظو يا جماعه انتو شاهدين انو بس قال لي كيف بقيتي و ولا حتي لمسني بيدو للسلام ولا حتى انا لقيت فرصه ارد ليهو وانو انا قبل م اعرف انو عرف من وين عمي جا مسكني شاهدين صاح ! حسبي الله ونعم الوكيل في الافتراء والبهتان وتحسبونه هيناً وهو عند الله عظيم عمار ولا كضب ورفع اقرب عصاية وضربني بيها هو كمان لغاية فقدته الوعي وم حسيت بحاجه تاني ودي احسن حاجة اني ما احس بحاجة ***** لو كان دا ابوي الشافني صاح كان غضب مني لكن م كان فضحني ف الشارع كده وجاب لي كلام صح ولو كان امي الرموني تحت رجولها كان حضنتني عليها وم خلت زول يقرب علي زاتو. لو اهلكم عايشين احمدو ربكم ع النعمه الانتو عايشين فيها لانو والله عدم الام والأب ماهو الا إهانة وزلة وعذاب * حسيت برشه مويه ف وشيقمته مخلوعه ولقيت نفسي واقعه في حتتي د*ك مااف زووول كلف نفسو يرفعني اااخ يا نفسي ويا هوانك ااخ مرت عمي قالت لي قوممي شدي الغدا حتنومي كده لي متين ! قمته قعدته ف الأرض ودموعي جاريات. قالت لي امشي غسلي العفن والقرف الانتي فيهو دا حتي اطبخي نحن م ناقصين تلوث ومشت خلتني في ارضى مشيت شلته لي غيار من هدومي واصلآ ملابس المدرسة كلها اتشرطت واتملت دم من آثر الضرب سخنته مويه واستحميت بقطنه وصابون ديتول جسمي كلو كان مجرح وضلوعي كلها بتوجعني بكيت ف الحمام بأعلي حس ماف زول اشتغل بي ولا عبروني زاتو قلت يارب شكوت امري ليك يارب انت عالم بكل حاجة صليت الضهر والعصر سوا وطبخته ليهم الغدا ورجعته الغرفه الغرفه القاعده فيها دي بالرغم من انها عبارة عن مخزن بس كانت آكتر مكان لماني وسمع آحزاني ياما وقآني من شمس الهجير وياما وقآني من تجريح الكلمات . جاتني المغرب مكارم وقت شافت حالتي لمن اتشهودت قالت لي حاسوقك معاي بيتنا انتي محتاجة رعاية. قلت ليها والله عمار يدق ويدقني قبالك خليني كده احسن قالت لي ان شاء الله اكلتي. بس قلت ليها انتي عارفه دي الحاجة الوحيدة الما قاعده اتنازل عنها هههه اكيد اكلته ي بتي اممم.. انتي يا آثار. الود السميح اب شعر ده منو شفتو جمب بابكم ينضم بالتلفون ساي. غايتو بختها البتكلم معاها دي قلت ليها ده ود عمي جا من الاردن. قالت لي ود عم لكن هي انا ماشه بكره بجيك للمدرسة قلت ليها بكرة ما اظن حامش اها ولمتين يعني قلت ليها لمن الناس ينسو فضيحتي دي بعدين بمش. بعد مكارم طلعت مني نومممته و ولا أكلته حاجه وماف زول كلف نفسو يجيب لي آكل زاتو فالحمد لله حتي يبلغ الحمد منتهاه الصباح سمعته جوطة برة كان عمي و ولدو الكبير عمار بتناقشو... اتنصته جمب الباب وسمعته الكارثه .

Free reading for new users

Scan code to download app

App Store Google Play

Facebookexpand_more