الفصل الثالث

3133 Words

ألف_باء_العذاب اتنصت ف الباب وسمعته عمي و ولدو الكبير بتناقشو نقاش حاد. من فحوى الكلام عرفت انو عمي قال ليهو يتزوجني لانو انا لافه وحأجيب ليهم كلام في الحلة فاحسن من اسي يتخارجو مني عمار قال ليهو : ي حاج عليك الله خارجني من الموضوع دا ! انا البت القبيحه دي م دايرا هي فيها شنو لمن اعرسها بعدين انت عارف خالي وتهديداتو دي انا ما قدرها والله فاعفيني يا ابوي ابوهو قال ليهو كلمة ورد غطاها انا خالك ولا امك ولا مرتك ما عندي بيكم الشغله لانو بكره كن البت دي عملت حاجة توطي الراس انا بس المتضرر ما انتو. انا بس الحامش وراسي في التراب. عمار : خلاص مدام كده خلي يعرسها اي زول بس انا اعفاني عمي قال ليهو هوي الجمعه دي بعقد ليك عليها وده آخر كلام عندي وطلع خلا ولدو بشاكل وانا انهرت ورا الباب وبس ببكي. خلاص حياتي حتتدمر مدرستي ما حأواصلها وحيعرسوني لعمار الأكبر مني بي مية مرة. الكلام ده كان يوم الاربعاء ويوم الجمعه طوالي سمعته صوت طلق العقد واتمنيت لو الطلق دي كانت في قلبي وراسي عسى ولعل ارتاح كن خليت الدنيا دي. عقدو علي بدون رضاي بدون ما زول يجي يسألني ساي انتي موافقه ولا لا ولو انا ما سمعت كلام عمي مع ولدو كان حأكون آخر من يعلم بالعرس ده . فكرته اشرد من البيت بس امش وين لو هربت ! انا قاعده مع اهلي ما ارتحت لو مشيت الشارع هل حيكون احسن لي يعني؟ كم مرة فكرت في اهل امي لكن انا م حصل مره شفتهم ولا حصل هم زاتهم سألو مني ولا عارفه اراضيهم وين زاتو فلو كانو عايزني كان جو سألو مني. بعدين انا شن ضمني انو عيشتهم تكون احسن من عيشتي الحاليه وانا في عز شرودي مرت عمار جات داخله الغرفه وبقت تضرب فيني وتكورك وتجوط ساي ما اصلي بقيت ملطشة وكل من هب ودب بضربني ويفضي غضبو فيني ضربتني لغايه فترت وطلعت خلتني في اقصي حالات البهدله قمت اتنفضت ومشيت لمرت عمي إقبال.. قلت ليها طول عمري انا عايشة معاكم وعارفه انكم بتكرهوني وتشوفو ا***ى ما تشوفوني وده حقكم والله انو تكرهو التكرهو وتحبو العايزين تحبو قالت لي انجزي من مسلسلك ده عايزه شنو انتي قلت ليها بترجاك واموت ليك العرس ده ما توافقي عليهو قالت لي عمك قال كلمتو خلاص وما تظني اننا عايزين العرس ده كلنا مجبورين ما براك فارضي بقسمتك دي وانطمي قلت ليها انا لو عمار عرسني م حيخليني اقرا تاني. وانا قبل كده وعدتك انها كلها تلاته سنه بس تتحمليني فيها بعدها ما حتشوفي وشي. عايزه اواصل قرايتي عليك الله اتكلمي معاهم يخلو موضوع العرس ده عاينت لي كده واتبتسمت كأنها لقت ليها حاجة عشان تدمرني هي ما عايزاني اواصل قرايتي وعايزه بس اقعد ليها خدامة ف البيت ووقت اكتشفت انو لو عرست ولدها حأخلي المدرسه انبسطت كتير فهي لقت حاجة تدمرني خلاص وكونو امش اطلب منها مساعده كان أكبر غلط انا عملتو وحادفع ثمنو غالي. قالت لي العرس حيتم وده نصيبك وولدي الله يصبرو عليكي هههه انا الربنا يصبرني ماهو. لكن لانو انا معتبرني ما زول يبقى عادي اكون انا الناس المجبورين يرتبطو بي. فكرت امش للاسمو توفيق ده اشرد معاهو لكن هل حيوافق؟ هل هو زول ممكن اثق بي انو يعيشني حياة كريمة؟ بعدين اش ضمني يمكن هو اليكون كلم عمي وجا شافني واقفه معاهو. لانو وقت عمي كان بضرب فيني هو ما فكر يتدخل يحامي لي ومكارم صحبتي وموقفهم هم واهلها. برضو احتمال تكون هي الكلمت عمي بموضوع توفيق لانو هي الوحيدة العارفه بيهو . بقيت عايشة وسط ناس ما عارفه الصالح من الضار فيهم منو حسيت اني وحيدة وفعلا انا وحيدة والله في الدنيا دي ما بقى عندي زول اقدر اتكي عليهو واعتمد عليهو وخلاص قررت اني اسكت واصبر بس اشوف ربنا كاتب لي شنو. اتقبلت العرس الكان اخير عدمو طول عمري كنت بحلم بعرس يغني عليهو الكابلي. لانو دايما بقرا في القصص والروايات حتي المسلسلات انو البطله بتتبهدل وزيتها بطلع بعدين بجي واحد يحبها يكون مقرش ومرتاح وضعو كويس جداً ينتشلني من العذاب الانا فيهو ده. لكن للأسف الشديد عرسي الكنت بحلم بيهو احلام وردية مع فارس احلامي الحيكون لي الضو اللفي آخر النفق اتبخر. عرس لا حنه لا دخان حتى الحاجاتين ديل استخسروهم فيني. حرموني من فرحتي وعملو لي عرس زيو زي العزاء واحد. كنت عروس لكن شكلي زي المجنونة بس قاعده ف الغرفه 3يوم لا أكل لا شراب وبس بطلع للحمام والوضوء لغاية في يوم سمعته عمي كالعاده بتناقش مع ولدو الأكبر مني بكم وتلتين سنه نقاشهم م فهمته منو حاجه بس جوطة شديدة كل الحصل انو عمار جا لز باب الغرفه بكل قوتو . عاينته لقيتو واقف وبحمر لي ما باقي عليهو الا يقتلني واريتو كن عملها والله اهون على من الكان حيعملو. لانو قفل الباب وجا اعتدي علي باشبع الطرق حاولته اقاوم بس م كان عندي حيل .الله ينتقم منهم دمرو حياتي الله يدمرهم فتحت عيوني ببطء جسمي كله م**ر والصداع حيشق راسي. حمدت ربي اني بحلم لكن وقت عاينت جمبي ف السرير لقيت عمار نايم وبششششخر عرفته انو الحصل دا كان حقيقه م حلم قعدته ابكي بأعلي صوت لغاية صحي وعيونو محمرات عمار : مالك ! في شنو من الصباح بتجوعري كده ! تفيت ليهو في وشو قام طوالي وقع فيني ضرب ورماني من السرير وبدا يشلتني وبنبز فيني التقول انا الجبرتو يعرسني والله ضربني كأنو بضرب في حمار ولا حاجة ما عندها روح انا قلت اصلا ده يوم موتك يا آثار. جات ضربه ف كلوتي الشمال وحسيت كأنها اتقلعت فصراخي وقف وبقيا أأن بس وهو ضربني فيها كم مره برجولو لغاية بقيت م حاسه بيها غمضته عيوني قوووي وبديت اتذكر الحصل لي ما فهمت الحصل ولا القاعد يحصل. انا عملت شنو؟ عملتي شنو ي آثار لغاية تتعاقبي كده؟ لي بكرهوك كده انتي بتعملي في شنو اصلو انتي كافية خيرك وشرك طيب ليي بعاملوك كده. هل لو كنتي فعلا زولة ما كويسة كان حتكون دي حياتك. هل لو كنتي ما بتسكتي عن حقوقك كان حيعاملوك كده. هل جهلك بحقوقك هو السبب الخلاك تكوني في الموقع ده. ليي وقت سمعتي عمك وولدو ما شردتي لعم عبد الباقي وحكيتي ليهو أكيد كان حيساعدك. كنت بسال نفسي الاسئلة دي كلها وسي الاستاذ بصرب في كليتي و بعد م انتهي من كلوتي شال عراقيهو لبسو وطلع وهو بشتم فيني بابشع الكلمات قفلت اضنيني قوووي عشان م اسمع وبس قعدته ابكي بدون صوت اتمنيت حاجه واحده بس انو يرفعوني من ارضي دي وانا جثه مع انو لو موته متأكده حيخلوني اتحلل قبلي لانو انا احقر من انو حد يدنقر تحت عشان يرفعني ** مره اسبوع ع الكلام دا طبعآ مكارم اهلها منعوها مني عشان سمعتي بقت ع كل لسان وكده. ما اتوقعت اصلا ده يحصل لانو هم كانو اكتر ناس فاهمين انو انا مظلومة. لكن بما انو املي الوحيد بقى ما بثق فيني فتاني اي حاجة بتحصل لي ما عندي معاها اي مشكلة.. اما علا هانم بتمش المدرسه عادي زي الزبادي مرة كنت قاعده بقطع ف الباميه علا جات صارة وشها وتحمر لي ساي امها سألتها مالك قالت ليها البنات من يشوفوها بآشرو فيها انو هي البتبقي للبت الكانت واقفه مع الولد وبعملو حاجات غلط طوالي مرت عمي جات خنقتني وقالت لي الله ياخدك ويريحنا منننك يعني كده ووب وكده ووبين يا وش الفقر بس عليك عامله زي امك هنا قلت ليها : اي شي ولا سيرة امي ! امي اطهر منك .! ولانو حظي شين عمي جا داخل وسمع الكلام وكالعاده انضربته ضرب الجن. ضرب الحديد وغصبآ عني تميت نضافة الباميه والطبيخ رجعت غرفتي وانجدعته ف السرير . جسمي كان برجف وكان مولع نار وكلو كان بوجعني والله اسبوعين مرو وانا يومي كنت بنضرب فيهم فاتوقع شنو غير كده. 3يوم انا ف الحاله دي ماف زول اشتغل بي ولا سأل عني زاتو بعد المغرب قومتة لبسته عبايتي و شلته بطاقتي حقت التآمين الصحي م عندي ولا جنيه والله . قلت اتيسر بس وربنا كريم طلعته الشارع ومشيت ع المركز الصحي مسااافتو كانت بعيدة وانا ما كان عندي قروش اركب بيها ركشة فقلت اتمشى بس ما عندي خيار. مشيت مسافه ما بعيدة تعبت ولقيت لي مصطبة رقدت فيها. حسيت كأني حاموت واتمنيت فعلا اني اموت وارتاح من المواضيع دي كلها. اتذكرت ابوي وقعدت ابكي والله ده ما مكاني ولا دي حياتي. انا مفترض اكون اسي في بيتنا بتناقر مع أكرم اخوي في العيشة السمحة المقمرة. او بتناقر مع امي انها تسوقني معاها السوق. او مع ابوي انو يزيد لي مصروفي قعدت افكر بيني وبين نفسي ياربي حياتي حتكون كيف لو امي وابوي واخوي عايشين؟ وانا في عز تفكيري في ركشة وقفت جمبي عاينت في مرة جات نزلت وسألتني عن المركز. قلت ليها انا زاتي ماشه فقالت لي خلاص اركبي معانا كان معاها بت والله لوهلة اتمنيت انهم يكونو عصابه ويخطفوني ويبيعو اعضائي ع الاقل زول ينتفع بيها. ركبت معاهم ووصفت لسيد الركشة مكان المركز. المرا قالت لي انهم ضيوف وكده عشان كده م عرفو المكان. واتونسو معاي كانو ظريفين بالجد. قالت لي وقعتي ولا شنو جسمك كله مضروب قلت ليها اتشاكلت في المدرسة. شفت ملامح وشها اتغيرت فأكيد قالت اني بت بتاعت مشاكل وكده انا ما استغلت بالحاجة الفكرت عنها والله لانو اصلا ما حتفيدني بحاجة. لمن وصلنا المركز كان ناسو كتار وانتظرنا صف طويل وعريض شلت هم والله انو ناس عمي يفقدووني ويعملو لي موضوع اصلا واقفين على الهبشة وتأكدت اني الليله حانوم بي دقه معتبره. المرا دخلت قدامي وبعدها انا دخلت للدكتور وسألني بشكي من شنو وكان مستغرب من الكدمات الظاهرة ف جسمي و وشي قلت ليهو حممه شديده وجسمي سخن آشر لي امش ع سرير الكشف مشيت وجا كشف علي ورجع تربيزتو وقال لي اعملي فحص بول . مشيت عشان أفحص قالت لي الفحص بي 50ج.. وانا اسي لو بعته كليتي ما حالقى المبلغ ده. عايزه ارجع جات بت المره قالت لي جيبي الورقه. قلت ليها بجي بفحص الصباح اسي اتاخرت والله. قالت لي حنوصلك م تخافي. وشالت الورقه مني ادتها للفحيصه ودفعت القروش. رجعت قعدت معاهم وانا محرجة جداً.. بعد شويه جا ولد اكبر مننا بحبه لانو البت كأنها في عمري سلم للمرا بامي كيف اسي قالت ليهو منتظرة نتيجة الفحص. فكان شايل مازا في كيس اداها لامو وهي ادتني واحدة قدر ما قلت ما عايزه أصرت علي اشيلها فتحتها وادتني ليها قطعتها كلها لمن خجلت والله لكن انا كان بطني فاضيه فاعمل شنو غير كده. نتيجتهم طلعت قبالي ودخلو للدكتور وبعد شويه حقتي طلعت وقت مشيت اشيلها الفحيصه قعدت تعاين لي بأشمئزاز ما عارفاها مالها كمان لكن انا ولا اشتغلته بيها براي اللفيني مكفيني . اديتو النتيجه وقعد يبحلق فيها باستغراب وحيرة كان دكتور شاب كده وجييه عاين لي مسسسسافه وقال : امك عايشه؟ هزيت راسي لالا قال لي طيب ابوك. هزيت راسي وطوالي عيوني بدو يدموعو. اداني مناديل ورق قال لي طيب عايشه مع منو انتي ؟ قلت ليهو مع عمي ومرتو. طوالي طلع نضارتو واخد نفس عمييييق بعدها قال : دا منو الغشاك و***ب بعقلك ؟ انتي ي داب شافعه صغيرة ومن شكلك بريئه وم بتعملي الشينه . رفعت راسي وعاينت ليهو وانا م فاهمه هو بقول شنو وقاصد شنو. قال لي انتي حامل ! قووومتة طوالي علي حيلي وقلت لالأﻷ يستحيل ! يستحيل اكون حامل انا ما عايزة اولد من الوحش دا يستحيل ! وقعدته اضرب ف بطني واكورك لغاية الموظفه البتقعد جمب الباب جات داخله. مسكوني وهدآوني واداني مويه ما حاقول شربتها حاقول اتجرعتها عديل من الألم والمرارة الحسيت بيها يعني انا نفسي ما قادره احميها كيف اجيب ولد علي الدنيا دي عشان يتمرمط معاي! الدكتور قال لي ممكن نساعدك ونبلغ عليهو لانو ظاهر انو انتي اتعرضتي لأعتداء من اثار الكدمات اللفي جسمك اوعك تسكتي وتخلي حقك فاهمة قلت ليهو ما هو انا لو بلغته الشرطه م حتقدر تعمل لي اي حاجه يا دكتور ولا حتقدر تساعدني بي حاجة الدكتور والبت عاينو لي بأستغراب وانا واصلته: الاعتدي علي وانا حامل منو اسي دا بكون راجلي عمي عرسو لي وهو اكبر مني بي كم وتلتين سنه وقعدته يعني كيف اقول للشرطة انا حامل من زوجي الاعتدى علي اكيد حيضحكو فيني ويطردوني ووقتها عمي برضو حيطردني من البيت وقعدت ابكييي الدكتور : انا افتكرتك م متزوجه عشان انتي م متحنننه وكده قلت ليو : عرس بالغصب البخليني اتحنن شنو ! الدكتور قام علي حيلو وقال : برضو مفترض تبلغي القانون حياخد ليك حقك ما تبقى مسكينه الدنيا دي ما عايزه زول مسكين والله الناس تاكلك حيه اسمعي نصيحتي احسن ليك. نحن ممكن نساعدك ما عارفه لو كنت سمعت كلام الدكتور وقتها هل كان مشاكلي حتتحل؟ هل فعلا كان ممكن القى الإنصاف. لكن مشكلتي اني زولة خوافه. بخاف من اني اطلب بحقي وادخل في دوامة تاني ما اعرف اطلع منها كيف. عشان كده **رت حنك الحاجة دي و قلت ليهو وانا طالعه : انا عايشه معاهم ف بيت واحد وم عندي غيرهم لو بلغته حيطردوني وحأكون ف الشارع والشارع اكيد ما حيكون ارحم لي منهم حارضى بقسمتي عسى ولعل الف*ج يكون قريب. طلعت خليتهم واقفين مزهولين ومتآثرين لحالتي. حاره لمن الخوف والاهتمام يجيك لكن من زول غلط. حاره لمن الناس تعاين ليك بشفقه واهلك ما يشفقو عليك حاره لمن تكون عيان ومحتاج اهلك جمبك بس تكتشف انك ما عندك اي زول. لمن طلعت سمعت البت بتقول لي اها طلع عندك شنو. عاينت لقيتهم واقفين معاها امها واخوها كانو منتظرني ي حليلهم. قلت ليهم ملاريا.. صرفو لي حبوب الولد قال لي جيبي الروشته اصرفهم ليك لانو ماشي اصرف لي امي علاجها. قلت ليهم شكراً ليكم.. و ابتديت امش امهم قالت لي ي بتي طيب ارح نوصلك. ابتسمت ليها وقلت ليها شكراً يا أمي و مشيت ف الشارع وانا ساكته وكم مرة الشيطان بقول لي اترمي قدام اي عربيه وارتاحي ياخ بقوم بستغفر وبواصل لغاية وصلت البيت مرت عمي قالت : مشيتي تصيعي صاح ! يعني عرسنه ليك عشان م تجيبي لينا فضيحه وبعد دا ماشه كايسه ف الحله ! انتي طينتك شنو يا بت الناس قلت ليها مشيت المركز الصحي ورميت ليها ورقة الفحص ودخلت غرفتي وادمدمته في سريري وانا بستغفر استغفر الله لا اله الا الله الحمد لله والله اكبر ماف فايدة ابداً من انك تنصح يتيم تقول ليهو ما تبكي لانك ما حتكون فعلا حاسس باللهو حاسي بيهو. ما حتكون عارف قدر شنو هو حاسي انو منبوذ في الدنيا دي وانو شايف موت امو وابو ليهو كانو هم كارهنو نحن كأيتام لمن نكون في أشد واحلك معاناتنا بنعمل حاجة واحدة تقريباً هي البتكون مصبرانا على الدنيا دي بنلجأ لي ربنا. لانو هو القوة الوحيدة البتكون فضلت لينا في الدنيا دي. ليي انت كشخص واعي وكبير وربنا ما مقصر معاك في حاجة ليي بتستقوى على بت ضعيفه ويتيمة مزلولة وم**ورة؟ لي ما بتتق الله من حقها؟ عمي اخو ابوي وشقيقو مش مفترض يعتبرني بتو؟ لكن لا اكل حقي. عذبني. ما كان بنصرني نهائي حتى في اكتر وقت كنت محتاجة ليهو فيهو كانهم ما سمعو قول الرسول انا وكافل اليتيم كهذين في الجنة وأشار إلى السبابة والوسطى. او انهم سمعوهو لكن قصداً ما بعملو بيهو . يا جماعه من اخير البيوت بيت فيه يتيم يُحسن إليه ويعاملوهو معاملة طيبه حسنه. في مكان تاني المره الطيبه اللاقتني في المركز قاعده ومقهية. جات بتها وقالت ليها امي ما عايزة تنومي انتي؟ اخدي ليك نومة عشان ترتاحي من مشوار الدكتور. ضحكت وقالت ليها ارتاح؟ والبت الرجعت برجولها د*ك اسي مرتاحه ياربي؟ والله انا شايله ليها هم شكلها بت مظلومة والدنيا ما منصفاها كلو كلو بتها قالت ليها ربنا معاها. مش انتي دايماً بتقولي لينا المشردين والفقراء ديل كلهم ربنا معاهم؟ قالت ليها اي ربنا معاهم ومعانا. لكن يا بتي نحن زاتنا مفترض ندعمهم ونساعدهم بالحاجة البنقدر عليها. لانو لو انت نمت شبعان وجارك جعان ربنا بسألك منو بتها سكتت مسافه وقالت : لكن يا امي نحن ما حنقدر نعمل ليها حاجة. بالجد في مشاكل وظروف الواحد بتخت فيها وما بكون الحل الا في يدو هو زاتو. [١٨/‏١ ٣:٠١ م] ?: جا ولدها بعد ما سمع كلام امو واختو قال ليهم والله يا امي انا لو علي ماف زول يحتاج حاجة وماف طفل ينوم جعان او بردان. لكن اليد قصيرة والايد بصيرة والناس ما بتشجع ياخ قالت ليهو الناس يا ولدي ياريتهم يعرفو حاجة واحدة. انو الزمن ما بثبت على حاله واحدة ولو الليله ليك بكرة بخاصمك بكون مع غيرك لكن ضدك في نفس الوقت. يوم بتعيش عزيز وخيرك كتير وبكرة ما تلقى الحاجة التاكلها وما بين ده وده حتلقي ناس تشمت فيك وناس تحزن ليك والزول العاقل البتسمك بي حاجة واحدة حتنفعو في الحالتين وهي تقوى الله. انتو عارفين ابوي ربنا يرحمو كان بشيل هم كلو ما رزقو زاد فانا بحتار وبسألو ليي بتشيل الهم ده مفترض تفرح. قال لي لانو يوم ليك ويوم عليك وانا شايل هم لليوم العلي انضغط فيهو وما القى حاجة اعيشكم بيها . ولدها قال ليها جدو كان راجل ضراعو أخضر وكل الناس بتشهد بكدة. اي زول سألو كن غني ولا فقير كان بديهو وما ببخل عليهو والحمدلله انتي ي يمة جيتي زيو. قالت ليهو جدك كان عندو وصية دايما بقولها لينا انا واخواني يا عيالي ، إياكم والطمع ولا ما تاكلو حاجة على شبع فلو خليتوهو للكلب احسن من انكم تاكلوه وإياكم والطمع فإنه فقرٌ حاضر. لا تفرحو بالرخاء والنعم ولا تهتمو بالفقر والبلاء، فالذهب بجربوهو بالنار والمؤمن بجربوهو بالبلاء. انتو عارفين انو اكعب حاجة تهجرو الناس بعد ما كنتم بتصلوهم؟ وانو احسن حاجة انكم تصلوهم بعد ما كنتو هاجرنهم؟ والزول الفقير في وطنو بكون غريب والع** صحيح. لكن الحوجة ما بتقدر تذل اي زول نفسو عزيزة وكمان القروش مهما كترت ما ترفع زول نفسو دنيئة اسي البحصل في الدول دي من حروب عشان يزيدو بيها اراضيهم. لكن لمن الفقرا يخضو حرب بتكون عشان التغير والله يا أولادي الفقراء حظهم في سببهم نحن ممكن نتقرب لي ربنا بتها قالت ليها كيف يا امي. هم دخلهم شنو بالموضوع قالت ليها انا لمن اطلع قروش اديها لزول فقير كده بكون قربت من ربي. الصدقه بتقرب البني آدم من ربو و الفقر عمرو ما بسبب التعاسة ، لكن المشاكل المترتبة عليه هي التي تجعل الإنسان تعيساً.لانو في احتياجات انت بتحتاجها ولانك فقير ما بتقدر تجيبها فبالتالي حتكون تعيس. زي البت اللاقيناها دي فعدم وجود قروش انها تصل بيها المركز وعدم وجود قروش انتو تفحص بيها وتجيب بيها علاج ده بخليها تحس انها تعيسه ولدها قال ليها والله حبيت اساعدها لكن هي من الناس النفوسهم عزيزة عليهم وما حبيت اصر عليها عشان م تتحرج يا امي لو نحن عايزين نساعدها نلقاها وين؟، لانو بالجد والله انا عايزه اكون ليها صحبه واساعدها. الام انبسطت منهم شديد وقالت ليهم كونكم حسيتو بالاحساس ده تجاهها فدا بمثابة انكم ساعدتوها. اكيد حنلاقيها لكن وين ومتين ما معروف هل الأسرة دي حتكون لي الضوء اللفي آخر النفق؟ لكن انا اي زول يكون لي الضو ده يا بموت زي ابوي. يا نظرتو لي بتتغير زي مكارم وامها وابوها يا اما هو بكون ما مفهوم زي توفيق.. او بختفي فجأة زي فندام التاني ما شفتو ولا ظهر وكنت متوقعه يجي يساندني ويمنع عرسي ويصر على عمي يخليني اواصل دراستي لكن والله كلهم بختفو. واسي الأسرة دي حتختفي لأنو انا اقتنعت اني زولة منحوسة وبتصيب الحوالينا كلهم بالنحس عشان كده ماف زول بقرب منها وحتي لو قرب منها واتعاطف معاها فدا بكون بدافع الشفقة ليس الا. عمار عرف بحملي وما قصر حا قال لي مبروك. مرتو كان لو ادوها سكين حتقطعني وتشرب من دمي لانو شافتني اني خطفت راجلها مع انو من يوم اعتدى علي تاني ما جاني. وموضوع حملي ده زاد الطين بله فبقت تكرهني شديد وتشوف العمي ما تشوف خلقتي. بالنسبه للأكل بقيت اكل وحتى هم لو ما اكلته بشاكلوني ههههه ما اكصب عليكم حسيت بروحي مهمة والله اعلم. بس ده كلو بعملوهو عشان ولدهم الانا حامل بيهو. ولدي الانا معتبراهو كرت نجاة لي من العيلة دي. لكن ما كنت عارفه انو حيكون الكرت الانا حانضغط بيهو.

Free reading for new users

Scan code to download app

App Store Google Play

Facebookexpand_more