الفصل الرابع

3067 Words

مرت ال9 شهور زي الحلم وبالع** م كنت كارهة الجنين اللفي بطني نهائي حبيتو قبل ما اعرفو هل هو بت ولا ولد حبيتو وعقدت عليهو كل امل كان بخصني واتحطم في البيت ده. قلت لو ولد حاخلي يقرا ويبقى لي دكتور او مهندس. حاحضر تخريجو واعرس ليهو البت اللهو حيختارها بعدها لو موته ما عندي اي مشكلة. اما لو جات بنت يافرحتي بيها.. حتكون ملكة وحتعيش عيشة الملوك حاوفر ليها اي حاجة هي نفسها فيها زي ما ابوي كان بعمل لي بالضبط. حاخليها تقرأ الجامعه اللهي عايزاها وحتتزوج الزول اللهي حتختارو. بالجد كنت مبسوطة شديد بحملي ده وكنت بحافظ على نفسي شديد. ابشركم بقيت ما قاعده اغسل هههه الا ملابسي طبعا بغسلها براي لكن غسيل ناس البيت كان بتجي بت تغسل ليهم. ودي احسن حاجة عملوها لي هم كانو خايفين على ولدهم اللفي بطني عشان كده. هدى تعاملها معاي اتحسن وكان ورا التحسن ده حاجة كبيرة انا ما عارفاها. حرفياً كان في صفقة حصلت يعني المويه جاريه تحت رجولي وانا م جايبه ليها اي خبر. الله بيتر بس كنت متشوقه اعرف احساس الأمومة دا عامل كيف عشان كده ما كنت شغاله بيهم كتير. بقضي اكتر زمني في غرفتي الذي المخزن د*ك والحمد لله حفظت جزء كبير من السور ما كنت قاعده ساي. وانا في آخر ايام الحمل حركتي بقت صعبه وكانت بتجيني آلام وطعنات. في نص الليل الألم زاد فمشيت بي الله الله غرفة عمار دقيت ليهم الباب جاني بعد نص ساعه يمكن زهجان ومغمض عيونو وقت قلت ليهو انا بتوجع حتى فتحهم زي الناس وجرى نادا امو.. لبست توبي وسندتني ركبنا ركشة مشينا المستشفى عمار طبعا مشي معانا وكان ملهوف خالص و متحمس لأنو آخيرآ حيبقي أب بينما هدى ما شفت وشها نهائي دخلوني غرفة الولاده وكان برة في عمار وامو ومعاهم فندام زاتو جا معانا عانيت الأمرين ف الولاده تعبتتته وبكيت من الوجع وعيني طلعت بس كل م اتذكر انو جناي حيساعدني كنت بتحمس وبدفع اكتر لغاية ربنا سهلا لي وجبته احلي ولد فيك ي السودان الحمدلله والشكر لله كان بصحة جيدة ووزنو كويس جداً عمار وامو فرحو كتير بالولد وكانو شايلنو وم كلفو نفسهم انو يباركو للمصنع الجابو. ولا عاينو لي زاتو قلت الحمد لله ما مشكلة الا فندام ما قصر قال لي يتربي ف عزكم ماشاء الله ابتسمت ليهو وغمضته عيوني وانا بحمد ربي انو جاني ولد جاني السند * وقت طلعنا البيت ودوني غرفتي فكانت نضيفه ومفرشة وفيها بخور فاستغربت جداً بذلك. طول فترة الاسبوع كان بعتنو بي.. شوربات مدايد وعصاير يعني دلع شديد والغريبه انو الماسك المهمة دي هدى مرت عمار والله ما اكضب خفت تكون ناوية تسممني لكن الحمد لله مرت بخير. جابت لي في الأسبوع توب ولبسة للبيبي وعملو ليهو سماية معتبرة ابوهو سماهو وائل. النسوان الكان بجو يباركو لي بتقارصن ساي ما اشتغلت بيهم لانهم رخر همي والله مرت الشهور والولد كبر شويه .. لكن الشي الكان حارق دمي انو اكتر الاوقات بكون الولد مع عمار ومرتو وبس بجيبوهو لي ساعة الرضاعه وقدر ما كنت بعترض عمار بقول لي تاني ولا رضاعه ما بجيبو ليك فبقوم بسكت على كده. ومن سكاتي الكتير وشويه شويه حتي المبيت بقي وائل ولدي ببيت معاهم وكان جاب ليهو رضاعه ولبن ام من الصيدليه عشان لو جاع بالليل وتاني قلبي رجع يتحرق بس المره دي م زي المره الفاتت. المره دي كان اكتر. اكتشفت انو المعامله الحسنه البتعاملني ليها هدى وراها نية انو حتشيل مني ولدي وهذا ما كان. يعني بس ولدها اللهم الا وقت الرضاعه بتدي الرضاعه او بتجيبو لي ارضعو. وتاني بتسوقو معاها تحممو تغني ليهو وتنومو واي زول كن جا غريب للبيت بقول ليها ولدك ولدك اما انا ف*جعت للخدمة والمطبخ والغسيل والشغل بقى لي الضعف لانو كان لازم اعوض الفترة الما كنت بشتغل فيها فبقيت حتي شغلة بيت هدى بعملا لانو هي شايله الولد وبتعتني بيهو مره كنت مشتاقه لولدي شديد فقلت لي عمار ابووائل انو تاني يخليهو يبيت معاي بس قال لي بصوت عالي: ولدي وانا حر فيهو ابيتو في الشارع ولا الحمام انتي ما عندك اي دخل فيهو فاهمة ولا لا.. والله ما عرفت اقول شنو الا بس قعدت ابكي وهو ما اشتغل بي مشى خلاني بقيت اقول ي ريتني لو ما حملت بيهو ي ريتني لو اجهضتو لكن تاني برجع استغفر وبدعي الله ان يرجعو لي حضني الشي الحيرني والغاظني في نفس الوقت انو كان ف مناسبه ف الحي وهدى مرت عمار لبست وقشرت وقشرت لي وائل وساقتو معاها وانا قاعده وفاتحه خشمي زي الهبله ي جماعه هوي دا ولدي وانا امو وين حقوقي! بس ماف زول شغال بي وعمي كن مشيت قلت ليهو عمي ساي بهيج فيني عشان كده ما بستجرأ اني اسالو حاجة والله بعد ولدت ولدي عذابي زاد ومعاناتي زادت لانو كان لو موته ما هاميني لكن اسي بدعي الله اني ما تحصل لي حاجة عشان ولدي َ ما يضوق الإهانة الانا ضقتها في البيت ده ويارب ما تضوق ام الانا ضقتو ف ولدي وائل بالليل كنت نايمه وصحيت بألم فظيع في كليتي الشمال اتقلبت يمين شمال بس ماف فايدة فكنت بتلوي من الألم وبعرق كتير و الساعه كانت ي داب 2:34ص قومت بصعوبه اتكلت تكيل مشيت ع غرفة عمار ودقيت الباب وانا متكيه ف الحيطه جا طالع وصاري وشو قال لي الولد نايم ده شنو الإزعاج ده انتي م عندك دم؟ قلت ليهو وديني المستشفي كلوتي بتوجعني حاسه اني حاموت قال لي امشي اشربي ليك مويه وقفل الباب ف وشي اتخيلو بس! اسي منو الما عندو دم. ما راعى لانو انا ام ولدو شوفو معاملتو لي كيف بس غايتو ي الله شربت لي مويه وقريت ليها عديل بي الله ويامين صبحتها والوجع ف محلو بالع** زايد زيادة. الصباح عمار وقت جاب لي الولد ارضعو اقلت ليهو كلوتي تاني قامت علي قال لي بزهج خلاص اجهزي خلي فندام يود*ك لانو معاو ركشه انا ماش الشغل واوعك تسوقي الولد معاك ودي لي امو. اي امو قال ههههه زي ما سمعتو هدى امو. الشمار قتلني اعرف بقولو لي شنو وحسبي الله ونعم الوكيل فيهم كلهم رضعت الولد ولبسته بعد شويه هدى جات شالتو مني بدون ما تقولي سلامتك زاتو. طلعته لقيت فندام بره منتظرني في الركشه فمشينا المستشفي وعملنا الأجراءات ودخلوني الدكتور ..** #ملحوظة ال18-1 (تحت ال18) اتجاوزو الجزئيه دي وانا راقده ف سرير الفحص فندام كان واقف ونهائي حلف كن يزح مني انا اضايقت شديد من وقفتو لكن ما قدرت اقول حاجة عشان الدكتور كده حيعرف انو ما زوجي. قال لي الدكتور ارفع بلوزتي عشان كان حيعمل لي موجات صوتيه انا خجلته بس كان لازم ارفعها و فجآة وبدون سابق انذار مد يدو علي وكان بلمسني وبتحسسني بطريقة غريبه قلت ليهو كده م صاح ولزيت يدو مني زعلت شديد وقربت ابكي الدكتور قعد يضحك وقال ربنا يسعدكم شكلكم ي داب عرسان جداد طبعآ افتكرنا متزوجين وكده لا انا لا فندام ماف زول رد عليهو. مشيت عملت فحص بول برضو وقعدنا راجين النتيجة في الاثناء دي قال لي قومي ارح قلت ليهو وين. قال لي بس قومي فمشيت معاهو وداني كافتيريا قال لي اجيب ليك شنو قلت ليهو م جعانه خلينا نرجع عشان النتيجة يمكن تطلع تحت اي لحظة. قال لي بنلحقها وتاني قال ولا حاجيب على زوقي مشي بعد عشرة دقايق كده جا لقيتو جايب لي فطيرة آقاشي ما عارفه عرفني كيف بحبو. والله التهمتها كلها عاين لي وضحك قال وهو بحاكي صوتي : م جعانه خلينا نرجع بدون م احس لقيت روحي ضحكت غايتو انا عويرة والله نسيت العملو معاي في غرفة الفحص وقعدت اتضاحك زي العويرة وقت رجعنا لقينا النتيجة طلعت اتضح انو عندي ترسب املاح في الكلي بعد طلعنه قال لي : عندي صحبي عاوز اشيل منو آمانه حنمش ومن هناك حنرجع البيت ظابط قلت ليهو امشي ليهو بعدين انا عندي شغل في البيت. قال لي جنك شغل كدي حاولي مره قولي ليهم ما بعمل يعني الدنيا حتموت! قلت ليهو براحة انا الحاموت. قال لي شنوو قلت ليهو ارح لكن ما تأخرني. عاين لي مسافه بعدها قال لي بي غمزة ما باخرك حتنبسطي صدقيني سكته م رديت وركبنه الركشه واتحركنا وصلنا عمارة كده ركن جمبها وقال لي م بقدر اخليك براك ف الركشه ارح اركبي معاي فوق. قلت ليهو حاجة ما بتجيني امش وتعال قال لي اسمعي الكلام الحي ده مقطوع كن حا حرامي خنقك…. قبل يتم كلامو انا لمن نزلت قام ضحك ودخل العماره ركب السلم وانا ركبته وراهو لغاية وصلنا طلع مفتاح وفتح الباب ودخل وقفت بره قام رجع قال لي بنهرة كده ادخلي يعني حتقيفي بره كده زي البواب! استغربت ده مالو اتغير 180درجة كده اسع ما كان بضحك قمته دخلته الشقه وهو وقفل الباب وراي. كنت واقفه بعاين ف الشقه كانت واضح فيها انو ماف زول ساكن فيها وقبل اسألوا صحبك وين ولا هو شبح فجآة حضني بي وره خوفته وزحيتو مني قلت ليهو انت بتعمل في شنو جنيت انت ولا شنو قال لي : اسمعي ي بت عمي انا والله بحبك وانتي بعد العرس بقيتي سمحه وجسمك اتملا وشايفه جبيل م قدرتة امسك نفسي قدام الدكتور قربت افضحك وافضح نفسي معاك وانا والله فاض بي عديل وما قادر اتحمل قلت ليهو : لالا شكلك انت جنيت كدي زح لي كده ولا كده وفجيتو بي يدي عشان اطلع مسكها وقال لي ماهو انا ما حاخليك وما حافوت فرصه ثمينه زي دي قلت ليهو فندام لا اله الا الله خليني امش وبعدين بغض النظر عن اني متزوجه لاحظ انا مرت ود عمك انت ما عندك غيره نهائي والله بكلم عمار حيود*ك ورا الشمس ضحك وقال عمار الغ*ي هو ما فاضي ليك لو ما كده كان بجيك مره واحدة بس ووقت حملتي منو تاني ما اشتغل بيك. انتي عارفه انو حيخليك معلقه كده ما حيطلقك حتعيشي كده في غرفتك د*ك لمن تعتتي انتي عايزه كده؟ قلت ليهو ما شغلتك انا بتصرف بس اسي زح لي من قدامي انا ماشه لولدي قال لي يا آثار انا بحبك اعمل شنو ! عاوز انوم معاك ي آثار !! ارجوكي ي آثار قلت ليهو ده ما بحب دي نزوة حيوانية منك ما اكتر والله سقطت من نظري كنت شايفاك زول محترم بس يا عيب الشوم عليك طلعت انت زيهم واكعب منهم كمان ما اشتغل بي كلامي و طوالي بدا يقرب علي! كنت بهدد فيهو اني اصرخ الم ليهو العالم والعالمين بس بدا يتهجم علي وانا كنت بقاوم فيهو و وقت شفت نفسي حأخسر حأخسر قلت ليهو طيب يا فندام اسمعني وقف قاعد يعاين لي وانا واصلت خليني افكر شويه ونعملا بي رضاي لانو بالطريقه دي ما تحلم اعملا معاك قال لي متين يعني ¿ وقت شفتو حيرضخ لي كلامي قلت ليهو يومين تلاته ..افكر بس ..ممكن؟ عاين مسسافه وقال لي خلاص انا موافق . بعدها رجعني البيت وانا كنت ما طايقاهو ولا طايقه رويحتي دي زاتها **** لقد قضى الحزن وطره مني، لكننى ابداً لن أحبل باليأس. وانا ماشه في الدنيا دي الحزن بتبعني والفرح ببتعد عني فهل انا مغنطيس يجذب الأحزان وخييات الامل؟ الناس بعاينو لي بنظرات عتاب وشماته كانو اي حاجة بتحصل لي انا عندي فيها يد انا بعيش بالحزن بقى لي الاكل والشراب اما الفرح فكان عدوي اللدود نهائي لا بريدني لا بجي جمبي . انتو عارفين انو الحزن ده عنصر ضروري ومهم عشان نكون بشراً، لكن السعادة فحاجه استثنائي وجودها او عدمها ما بأثر في انسانيتنا . يا اما نحن نبدع ي اما نثقب اجسادنا عشان يتسرب منها الحزن. ماف زول عايز يظهر للناس بدون معنى . لمن تجينا لحظة حزن بنقعد نتذكر ونبكي على حاجات اوجعتنا ومضت طي النسيان لكن اكتشفنا اننا لسه ما نسيناها تماماً زي الجرح البنقفل وهو من جوه لسه م التئم ففي اثرب فرصه بنفتح ويوجعنا تاني. الامل جاي ان شاء الله حاي معاهو الصبر وحسن الظن بالله ولانو اذا احب الله عبدآ ابتلاه انا ابتلائي كان كتير والحمد لله والشكر لله لكن انا قدها ان شاء الله. مضى يوم ويومين وفندام قاعد لي بالمرصاد عادي نكون كلنا قاعدين يقعد يغمز لي ساي وانا محل ادخل ما بعرف فبقيت اتفادى اقعد في مكان هو قاعد فيهو مرة كان وائل ولدي نايم جمبي وده كان بعد اترجيت هدى انو تقول لابوهو يخليهو يبيت معاي. آخر الزمن امشي اترجى ف الناس عشان يخلو ولدي ينوم معاي.. حسبي الله ونعم الوكيل فيهم. كنت حاضنه ولدي لاني مشتاقه ليهو شديييييد ما شوفتو عسل كيف ومهضوم وريحتو حلوة شديد. هدى كانت مهتميه بيهو كتير كنت بتفحص في ملامحو لغايه شالتني نومة ولانو انا نومي زي ما بقولو خفيف حسيت باب الغرفه حقتي اتفتح لانو اصلا ما كان فيها قفل فانا بتكي الباب ي بعصايا ي بحجر. عاينت اشوف ده منو وخفت يكون حرامي بس اريتو لو كان حرامي ده كان فندام! قلت ليهو بهمس : اطلع ! انت الجابك هنا شنو عايز تجيب لي مصيبه انت! قال لي جيت اسألك فكرتي ف الموضوع ولا لا لانو مدتك طالت قربنا نتم الأسبوع قلت ليهو لسع الجو م مناسب واشرت ليهو لي وائل. قلت اديني مهله اصبر شويه حمر لي كدااا وطلع حمدت ربي كتير و شلته ولدي حضنتو علي وقعدته ابكيي كم مرة فندام كان بتسسلل لغرفتي ويسألني وانا الموضوع مؤرقني وعامل لي قلق لاني اديتو امل لي حاجة هي غلط اساساً لقيت نفسي متورطة ورطة شديدة والمشكله لا عمي ولا مرتو ولا حتي راجلي ماف زول بسمعني احترته اكلم منو وله استشير منو ولا اطلع من المصيبة دي كيف لغاية جا اليوم المشؤم الكنت نايمه فيهو وانا في عز نومي حسيت بيد بتقفل خشميي فتحته عيوني بخلعه وعايزه اصرخ بس ما قدرت وبالرغم من انو الغرفه مضلمه بس قدرته اميز شخصيت الزول القفل لي خشمي ما كان الا فندام الزفت بدا يشرط لي ملابسي و بالرغم من مقاومتي الضعيفه الكانت ولا شي قدام قوتو بس قدرت عضيتو ف يدو زحاها وانا صرخته بس ماف زول جا علي وانا متأكده انهم بكونو سمعو فما عارفه النخوة والإنسانيه ليي ما موجودة في البيت ده. صرخت وبكيت وانا بترجاهو بس ما سمع لي لغاية م عمل عملتو وخلاني بابشع منظر ! * قومتة استحميت واتوضيت صليت ركعتين وقعدته ابكي ف مصلايتي وانا بدعي يارب الخلاص يارب #قوة ما بعدها قوة ارحمني ي رب من الناس ديل ارحمني يارب خلصني من العذاب ده يارب بعد الحادثه دي . بقيت بس ملازمه غرفتي وقربت تجيمي نفسيات والله احيانآ عمار بجيب لي الولد لكن لا عمتي لا علا ماف زول بجيني ع الاقل يشوفني حية ولا ميتة عشان كن ميتة يخارجو جثتي ما تعفن ليهم البيت. اما فندام احيانآ بجي يديني الأكل و العلاجات وكنت بضربو وبشلتو بس ما كان بتضايق بديني الاكل لو ما اكلته غصب بأكلني ليهو وبديني علاجاتي وبمشي. بالرغم من اني بكرهو الا انو الوحيد الوقف معاي وم عارفه السبب الخلاهو يعمل كده شنو لكن رجحت انو حاسس بالذنب بسبب العملو فيني مرت الايام ولاحظتة انو عندي غياب والله الخوفة الدخلت فيني ما حتمرق مني نهائي. مشيت الصيدليه جبته جهاز كشف الحمل كنت بدعي ربي انو م يظهرو الخطين الخضر .بس للأسف اتعودت انو الحاجة الانا بخاف منها بتحصل. والحاجة الانا بتفائل بيها بتمش الخطين ظهرو ليعلنو اني حامل من فندام اكيد ودي كان مصيبه جديدة حلت في راسي بكيييت ف الحمام بصوت مكبوت . م عارفه ليي بحصل لي كده انا. مره كنت نايمة حلمت اني عندي بطنين اي اتخيلو بس عمار جا وبقي يلمس واحدة من البطنين وانا ما قادره امنعو يديني تقال.. فجأة مسك البطن وجراها لغاية قلعها شالها ومشى وهو مبسوط والبطن التانيه جا فندام برضو لمسها مسافه وقلعها ومشى. وانا بصرخ وصوت م عندي. وقت صحيت لقيت وشي ملان دموع فقررت بيني وبين نفسي اني ما الد الولد ده باي ثمن. المساء عمار جاب لي الولد قلت ليهو عليك الله ولأول مرة اطلب منك طلب خليهو يبيت معاي والله مشتاقه ليهو قال لي كويس ..وطلع كن شفتو ولدي حلاااتو والله و م عشان انا امو لكن بالجد كده عسولي ربنا يحفظو لي ويخليهو لي نومتو في حضني ونومتة وكانت دي احلي ليله والله تاني يوم كنت قاعده جوه البيت بعد خلصت طباخه علا جات خجلانه وفي خشمها في كلام وما قادره تقول قلت ليها مالك الحاصل عليك شنو قالت لي عايزاك تشرحي لي حاجة في الرياضيات قلت ليها ياتا جزئيه. قالت لي **ور جزيئيه لانو فيها منفله وانا م بعرف ليها قلت ليها خير جيبي كتابك. فعلا وقت جابتو اخدت لي زي 34دقيقه كده فهمت الباب كلو فجبت ورقه وقلم وفي ساعتين ونص وأربعه دقايق وقعتها ليها وفهمتها كمان. قلبي رفة للقرايه وحسيت بمغصه عشان كده رجعت غرفتي وقتدت اتمحنت. انا متأكده لو لقيت فرصه اقرا حاجيب نسبه عاليه ويمكن اتزاع زاتو. المساء مشيت قلت لعمار عايزاك في موضوع بعد ساعه كده جاني زهجان قال لي في شنو. اترددت مسافه تاني اتشجعت قلت ليهو قبيل اختك جاتني شرحت ليها. والله الحمد لله المادة سهله ففكرت لو بتخليني ارجع المدرسة قال لي شنوو قلت ليهو خليها المدرسة ممكن امتحن منازل. الراجل فجأه هاج وغضب وقال لي ماشه تصيعي مع حبيبك صاح قلت ليهو حبيب شنو انا ماشه اقرا قال لي قرابه ماف.. حتقعدي في البيت بس قلت ليهو مدام انت مجبور علي وم دايرني وطالما جبت ليك الولد طلقني انا زاتي اشوف حياتي بعد ده. وبراي جنيت على روحي فقام خطبتني خبط **ر عضامي وبكده **رت حنك القرايه كلو كلو ** وقت كلمته فندام بقصه الحمل فرح اي فرح اتخيلوا قلت ليهو :هل انت عارف عمار كن عرف انا الحيحصل لي شنو ي فندام الولد ده لازم ينزل قال لي دي روح عايزه تبقي مجرمة وتقتليها؟ قلت ليهو الاجرام الوحيد الطريقه الجات بيها الروح دي.. م رد لي وطلع خلاني في همي . * الفترة دي مرضي اتطور وطلع عندي فشل كلوي وكان لازم اني اغسل مرة ف الاسبوع.. الغسيل دا ي جماعه حار...اقسم بالله حاااارومع الحمل انا كنت بموت والله وفندام ابى قال ما انزل الولدوانا ما عندي قروش اعمل عملية إجهاض وم بقدر اكلم زول بوضعي ده فعشان كده كنت بمش بغسل وبرجع ولو جيتو مركز غسيل الكلي م حتسمعو غير الصراخ والعويل والله عذاب ما بعده عذاب كأنو زول بنكت ليك ف جرحك بدون رحمه بي إبرة سخنه وبلا بنج وربنا م يضوقكم ليهو ولا يضوقكم ليهو في عزيز فندام هو الكان بدفع قروش الغسيل م عارفه ليي بساعدني مع اني اتعودته اعمل اي شي براي واتعودته الاقي الاهانه والاهمال من الكل لكن هو كان بساعدني وكان تعملو معاي حنين كداً عمار زوجي خلاص مسحني رسمي من قائمة حياتو وانا اشك اصلا انو في القائمة زاتو اما وائل ولدي خلاااص بقيت اشوفو.مرة مرة بس لغاية في يوم كنت قاعده ف الغرفه بخيط في جلباب .و وائل نايم جمبي لانو هدي وعمار طلعو مشوار وما ساقوهو وبالتالي جابوهو لي اعتني بيهو لغاية يرجعو هههه ولدي ده يجماعه عشان تكونو في الصورة ..فندام جا داخل وعاين لي . قلت ليهو خير لقيت البيت فاضي وجاي تستفرد بي ولا شنو. م تخاف حتى كن ملان ماف زول بسألك قال لي آثار انا اسف بالنسبه للاعتداء.. عاينت لبطني وقلت ليهو مهما اتأسفت اسفك ما ليهو اي داعي. عاين لبطني بحزن وقال لي عندي ليك خبر حزين ومفرح في نفس الوقت قلت ليهو قول المفرح اول قال لي وهو بمد لي ف ورقه : قدمت ليك في مركز خيري لغسيل الكلي .وقبلو اسمك يعني تاني حتغسلي مجان ي آثار طبعآ فرحته شديييييد بالرغم من انو الغسيل حار بس احسن يكون بلاش وحار بدل بي قروش وحار ولا انتو رائيكم شنو قلت ليهو طيب الخبر المحزن شنو!؟ سكتتت مسسأفه وجا قعد قدامي قال لي شوفي ي آثار نحن حنسافر اسبانيا

Free reading for new users

Scan code to download app

App Store Google Play

Facebookexpand_more