“Grabe, ang ganda pala niya kapag nalinisan,” namamanghang wika ng isa sa mga guard na si Gino habang pinagmamasdan ang nakahiga at natutulog na si Ashley sa kama. Hindi lamang siya ang nandito ngayon sa loob ng malawak na guest room kundi pati na rin ang mga katulong na siyang naglinis at nagpalit ng suot na damit ni Ashley.
“Oo nga. Hindi namin akalain na ang gandang babae pala niya. Mas maganda pa siya sa amin gayung pulubi lang naman siya,” sabat naman ng katulong na si Myrna.
Nalinisan at nabihisan na rin si Ashley kaya maayos na ang itsura nito ngayon at nakita ang angking kagandahan nito. Ngunit kahit na nilinisan ito, hindi ito nagising. Halatang labis itong napagod at ngayon ay bumabawi ng lakas.
“Ano kayang nangyari sa kanya?” tanong pa ni Myrna.
“Sobra siguro siyang napagod
