AWKWARD ang pakiramdam ni Donabella habang kasabay niyang nag-aalmusal ang magpinsang Kysler at Redford kinaumagahan. Panay ang sulyap niya sa masungit na binata habang hindi mawaglit-waglit sa kaniyang isipan ang karumaldumal na panaginip niya nagpagimbal sa kaniyang pagkatao.
Masyado na ba siyang nagiging apektado sa presensya ng binata kaya hanggang sa panaginip ay ginagambala siya nito? O talagang malakas lang ang dating nito kaya hanggang sa panaginip niya ay umabot ito?
“Donabella.”
Gulat na nag-angat ng tingin ang dalaga at sinalubong ang nagtatakang tingin ni Kysler Evans. Kunot ang noo nito.
Lumunok si Donabella at hindi pinansin ang titig ng lalaking nasa gilid niya. Kanina niya pa nararamdaman ang tingin nito, nagtataka marahil sa inaasal niya.
“Bakit po, sir Kysler?”
Iti
