MATAPOS MAGHUGAS ng mga plato ay bumalik sa sala si Donabella at agad na humilata sa sofa. Dinukot niya ang cellphone sa bulsa saka binuksan ito. Sunod-sunod na dumating ang mga messages na nagmula sa iisang sender. Kay Timothy.
Kinagat ni Donabella ang sariling labi. Siguradong magtatampo nanaman ang kasintahan niya.
“Dona.”
Kamuntik nang masapol ng cellphone ang ilong ni Donabella nang mabitawan niya ito. Bigla kasing sumilip mula sa likuran ng hinihigaan niyang sofa si Kysler.
Kakamot-kamot na bumangon at naupo ang dalaga saka tiningnan ang binata. “Sir, bakit po?”
“Sumunod ka sa'kin. Doon ka nalang matulog sa kwarto ko, lilipat ako sa kwarto ni Red.”
Talaga? Sobrang gentleman naman talaga ng mabait na Evans na 'to pero tinanggihan niya ang binata. “Naku, sir, okay naman dito. Kom
