Halos isang buwan na ang lumipas. Pabalik-balik kami ni Samuel sa bahay nila, nagulat pa nga ako na nandoon si Celine ng unang araw na bumisita kami. Nakakatawa na hinila ako kaagad ni Mommy Lia at ipinaliwanag sa akin ang lahat.
Mukhang totoo daw ang sinabi ng babae na hindi nga stable ang mental condition ng kapatid nila Samuel na si Lenard. Dahil ayon sa unang pagsusuri, tatlo daw ang na diagnosed dito na sakit.
Pero hindi kuntento ang pamilya Sandoval, kaya si Daddy Liam, lumipad sa ibang bansa kasama ang ina ni Kuya Lenard, para humingi ng second opinion sa mga espesyalista na mas malawak ang kaalaman sa mental health issues.
Pero matibay ang paninindigan ko, itinuloy ko pa rin ang paghain ng kaso laban kay Celine at sa iba pang kasama nito. Hindi ako papayag na walang managot s
