Palakad-lakad si Carly habang pasulyap-sulyap sa harapan ng nakabukas na pintuan ng silid ng Lola Esmang niya na abala sa pag-gagantsilyo.
Katatapos lang ni River i-deliver ang lahat ng kesong puti at nag-text na iintrega muna nito ang lahat ng kinita bago siya pupuntahan. Kaya kanina pa siya humahanap ng tyempo para magpaalam.
Huminto si Carly sa paglalakad at nagkubli sa gilid ng pader at maingat na sumungaw sa loob ng silid.
“Apo.”
Nanigas siya kinatatayuan at mabilis na sumandal sa pader. OMG! Wala pa naman siyang maisip na idadahilan!
“Alam kong nagkukubli ka riyan. Lumabas ka na,” malumanay na anito.
Nakangiwing lumabas si Carly sa pingkukublihan at nakangiwing napakamot sa batok. “La…”
“Halika at pumasok ka rito.” Sinenyasan siya nitong lumapit na sinunod naman niya kaaga
