“Bakit naman kasi may pa-surprise surprise ka pa? Ano’ng oras na e?!” reklamo ni Sheila habang nag-aayos ng kanyang mga damit. Alas syete na kasi tapos kasasabi lang sa kanya ni Anton na alas dyes ngayong gabi ang flight nila papunta sa Palawan.
Natawa si Anton. “I’m sorry. Akala ko kasi malapit lang.”
Iniikot ni Sheila ang kanyang mga mata. “Malapit? Ilang bundok ang layo ng barangay naming sa Tacloban, ‘no?” aniya. Mabuti na lamang at hindi niya pa rin na aalis ang mga damit niya noon sa maleta. Ang ibang importanteng mga gamit lang niya ang inayos niya. “Diyan ka muna. Maliligo lang ako.” Kinuha ni Sheila ang kanyang pantalon at puting v-neck t-shirt. Pumasok siya sa banyo at doon ay naligo.
Naiwan naman si Anton sa kwarto ni Sheila. Napailing na lamang siya at kinuha ang maleta a
