Business Annual Gala.
Ayoko sanang dumalo sa pagtitipong iyon. Ilang araw na akong hindi maganda ang pakiramdam at mas gusto ko na lamang manatili sa silid upang magpahinga. Ngunit alam kong mahalaga rin ang pagkakataong ito para sa akin bilang isang intern.
Kailangan kong matutunan ang kalakaran sa malalaking kompanya, kung paano makitungo sa mga negosyante at kung paano palaguin ang sarili kong kakayahan. Malaki rin ang posibilidad na manatili ako sa kumpanya ni Alfonso pagkatapos ng internship. Kapag nangyari iyon, marami akong makukuhang benepisyo at higit sa lahat, maaari ko nang matupad ang matagal ko nang pangarap na magkaroon ng sariling condo.
Isang tahanang mabibili ko mula sa sarili kong pagsisikap. Isang bagay na masasabi kong pinaghirapan ko at hindi ko kailangang hingin ka
