NAPANGITI si Penelope habang pinapanood si Jace na hindi magkandaugaga sa pag-aasikaso kay Phylbert. Si Jace mismo ang naghahanda ng guyabano juice ni Phylbert. Marami silang puno ng guyabano. Hindi nga lang kayang kainin ni Phylbert ang bunga, kailangan pa iyong gawing juice. Hindi lang juice ng nobya ang inihahanda ni Jace, pati pagkain. May mga pagkakataon na sinusubuan pa ni Jace si Phylbert. Lahat ng gusto ni Phylbert ay ibinibigay ni Jace.
Naipailing-iling si Joaquin na nakatingin din sa dalawa. “You’re pathetic,” sabi nito kay Jace. “Ginagawa mong bata ang kapatid ko.”
Inirapan ito ni Phylbert.
“Bumabawi lang ako,” ani Jace nang hindi inaalis ang mga mata kay Phylbert.
Joaquin snorted. “Hayaan mo siyang kumaing mag-isa.”
Muli itong inirapan ni Phylbert. “Bakit ba, Kuya? Dati n
