“KAYA PALA ayaw mong lumalapit ako sa iyo. Ayaw mong halikan kita o yakapin. Tapos umiiwas ka rin na may mangyari sa atin. Nagdadahilan ka lang na buntis ka para hindi ko gawin iyon sa iyo,” naiiling na sabi ni MJ.
“Totoo namang buntis ako, eh. Si Maverick ang ama ng batang nasa tiyan ko,” katuwiran ni Rianne.
Marahas na napasabunot ng kanyang buhok si MJ. “Paano ka nabuntis ng kapatid ko kung may asawa na siya? May relasyon ba kayo?”
Tumango si Rianne. “Iyon nga ang dahilan kung bakit nagalit si ate noong madiskubre niya. Sa sobrang galit niya, ikinulong niya ako para hindi na raw kami magkita ni Maverick. Pagkaraan ng dalawang linggong pagkakakulong pinalabas niya ako at dinala sa ospital. Nang magising ako may benda na ang buong mukha ko. Iyon pala pinalitan niya ang mukha ko. Ginawa
