PAGPASOK ni Lian sa loob ng bahay, sinalubong sila ng mga unipormadong maid na nakatayo nang maayos sa bungad pa lang ng sala. Binati sila ng mga ito. Walong kababaihan at dalawang lalaki ang naroon.
“Bakit ang dami nila? Dalawa lang naman tayong titira dito, hindi ba?” baling niya kay
MJ.
“Malaki itong bahay kaya marami sila. Hindi naman puwedeng ikaw lang ang mag-aasikaso ng buong bahay. May trabaho ka rin naman. Mag-uutos lang ang gagawin mo," paliwanag ni MJ.
Napakamot ng kanyang ulo si Lian. Lumaki naman siya na may kasambahay sila. Pero tatlo lang iyon. Hindi ganito na sobrang dami. Nag-aalala siyang baka wala ng gagawin ang iba rito.
“Magsibalik na kayo sa inyong trabaho. Pakipasok na rin iyong mga gamit namin sa kuwarto,” utos ni MJ. Sumunod naman ang lahat.
Pag-alis ng m
