NAGISING si Lian nang maramdaman ang malamig na bagay na natapon sa mukha niya. Pagmulat niya’y saka natanto na tubig pala ang iyong naramdaman niya. Mukhang sinadyang tapunan siya ng tubig para magising siya.
Kumurap siya ng ilang beses at ipinilig ang kanyang ulo para mawala ang tubig sa kanyang mukha na naging dahilan para mag-blur ang kanyang paniningin. Nang subukin niyang iangat ang kamay ay saka niya nalaman na nakatali pala ito sa kanyang likuran.
Mukhang hindi lang ang kamay niya ang nakatali pati rin pala ang kanyang paa. Hindi rin niya kasi ito maigalaw.
Shit! Ano bang nangyari? Bakit siya nakatali? Anong lugar ba itong napuntahan niya?
Nilinga niya ang paligid. Nasaan ba siya? Hindi niya mawari kung nasa isang construction site siya o abandonadong building. Rough kasi ang p
