“I’M SORRY, Lira.”
Napaangat ng ulo si Lian mula sa kanyang binabasang message sa cellphone.
“Hey! Bakit ka na naman nagso-sorry? May kasalanan ka na naman ba?” nagtatakang tanong niya.
“Wala naman. Iyong dati pa rin. Kapag naaalala ko kasi iyong gabing nainom ko iyong buwisit na alak ni Jak, parang gusto kong maglaho muna. Ayaw mo naman kasi na sabihin sa akin kung anong ginawa ko sa iyong noong nasa hotel tayo kaya nag-assume na ako ng worst scenario. Ang dami mong pasa mula diyan sa panga, leeg, balikat, dibdib, tiyan, at hita. Hindi ko ma-imagine kung anong ginawa ko sa iyo at nagkapasa ka ng ganoon karami sa iba’t ibang parte ng katawan mo,” napapailing na sabi ni MJ.
“Huwag mo nang isipin iyon, MJ. Tapos na iyon. Ilang linggo na ang nakaraan, ano? Magaling na ang lahat ng pasa ko
