“TATANGGALIN ko na ang benda dito sa mukha mo. Sabihin mo sa akin kung masakit, ha?”
Tumango lang si Lian sa sinabi ni Angelique.
Ilang minuto rin ang ginugol ni Angelique bago nito tuluyang naalis ang benda sa mukha ni Lian. Mabuti na lang at wala rin namang sumakit o humapdi sa mukha niya habang ginagawa ni Angelique iyon.
“Okay, ayan na! Naalis ko na. Puwede mo nang tingnan ang mukha mo,” natutuwang sabi nito.
“O heto ang salamin. Dito mo na tingnan ang mukha mo, iha.” Inabot ni Lola Tessie ang salamin sa kanya.
Mabilis namang kinuha ito ni Lian. Natigalgal siya sa kanyang nakita. Pakiwari niya ay nakakita siya ng multo habang nakaharap sa salamin.
“Hey! Anong nangyari sa iyo, Lian? Namumutla ka na, ah.”
Nilingon niya si Angelique na magkasalubong ang kilay habang nakatitig sa
