TITIG NA TITIG si MJ sa asawa niyang kanina pa natutulog. Nakadapa ito at naghihilik. Mukhang pagod na pagod. Kaninang dumating sila sa bahay ay dumiretso agad ito sa banyo. Paglabas nito ay nakabihis na ng pajama. Pero panay ang reklamo nito dahil masikip daw ang mga damit nito sa closet. Hindi na raw kasya sa kanya. Umuungot nga ito kanina na kailangan na raw nitong mag-shopping ng mga bagong damit. Hindi ito natulog hanggang hindi siya napapayag.
Isang buwan lang naman itong nawala. Anong nangyari? Tumaba ang asawa niya sa loob ng isang buwan? Posible ba iyon sa mga nakidnap? Anong ginawa nito? Kumain nang kumain habang nasa poder ng kidnaper?
Napakamot ng kanyang ulo si MJ. Ang weird lang! Para talagang may mali, ah. Habang tinitigan niya ang asawa, napapaisip siya kung paano ito nak
