MULING pinasadahan ni Lian ang sarili bago siya lumabas ng bahay na inuupahan. Inilabas niya ang kanyang mumurahing cellphone at tiningnan ang oras. Wala kasi siyang relo o anumang alahas sa katawan para mapanindigan niya ang pagiging purita.
Alas-siyete y media na. Kailangan na niyang magmadali dahil baka mahirapan siyang sumakay papunta sa LGC.
Nang makarating siya sa mainroad ay pinara niya ang unang jeep na dumaan. Pero hindi ito huminto. Puno na pala ito ng pasahero. Ilang jeep pa ang dumaan ngunit hindi niya ito pinara dahil puno ng pasahero.
Inabot pa siya ng ilang minuto bago may dumaang jeep na halos walang laman. Pinara niya ito at nang huminto ay agad siyang sumakay. Napatingin pa sa kanya ang iilang pasahero na naroon noong umupo siya. Hindi na lang niya sila pinansin dah
