Cintha
“Hindi ka magtitinda ngayon,” sabi ni Tiya Mira nang matapos kaming mag-agahan.
Nagkasundo kami ni Didang na maya maya na magtinda bago magtanghalian pero naharang na agad ako ni Tiya Mira. Naghahanda na siyang pumasok sa trabaho pero hindi ko alam na ‘di pa rin ako pwedeng magtinda.
“Tiya, absent na po ako kahapon,” reklamo ko. “Sayang din po iyon dahil maraming turista. Makabawi man lang po kami.”
“Dito ka lang. Baka makita kang pagala-gala na naman ng asawa ng tatay mo. Ayokong mapwersa ka na magdesisyon dahil sa kanya. Mabilis ka pa mandin maawa.”
“Gusto ko po talagang makaipon para sa pasukan,” giit ko at bumagsak ang balikat.
“Hindi na kailangan iyon, ate. Mayaman ka naman,” nakangising sabi ni Jonard na ipinagtimpla kami ng kape ni Tiya Mira.
Pinanlakihan ko siya n
