Cintha
“Himala. Anong nakain ni Kirby at sumali siya sa training ninyo?” nausal ko at hinaplos ang baba.
Bagama’t magaling na player si Kirby, ‘di siya sumasali sa football clinic para sa mga bata sa lugar namin. Nakababad kasi siya sa paglalaro ng online games tuwing Sabado at Linggo. ‘Di niya masyadong sineseryoso ang football kahit na magaling siyang player.
“Matutuwa po si Kuya Kirby pag nakita ka,” ungot ni Edong.
“Paano matutuwa si Kuya Kirby, kalaban nga natin siya,” kontra naman ni Dodong.
Pinagsalikop ni Edong bilang pagmamakaawa. “Sali ka na na po sa amin. Gusto ko naming maglaro.”
Hindi ko alam kung ano ang isasagot ko dahil bawal akong basta lumabas. Pero nagmamakaawa ang tingin ng mga bata sa akin at hirap akong tanggihan.
“Ate, ako na ang bahala sa gawaing-bahay. Ma
