"ILANG ARAW na lang at makakalaya ka na. Natutuwa ako para sa'yo, Ofelia," nakangiting sabi ni Soledad.
Matipid na ngiti ang itinugon ni Ofelia.
"Bakit para yatang hindi ka excited? Hindi ka ba masaya na pagkaraan ng mahabang panahon ay makakalabas ka na sa apat na sulok ng seldang ito?muling tanong ni Soledad. Iniikot pa nito ang paningin sa loob ng kwadradong silid na may rehas.
Inihinto ni Ofelia ang ginagawang paglilinis at iginala rin ang paningin sa palibot ng masikip na kulungang naging tahanan niya sa loob ng maraming taon- mga taon na hindi na niya pinagkaabalahang bilangin.
"Hindi ko alam kung ikatutuwa ko ba ang paglabas ko sa bilangguang ito, Soledad. Wala na akong babalikan sa labas, wala na ang mga taong mahalaga sa akin at gustong makasama sa buhay. Pakiramdam ko, mangan
