-Sammy-
Sa panahon ng biyahe namin ay sobrang ng lutang ng utak ko, unang beses kasi na magkatabi kami ni Adam sa pagtulog kagabi. Wala naman itong ginawang masama sa akin pero napuyat ako dahil nasa likuran ko lang siya at yakap-yakap ako. Mas lalong hindi ako makatulog sa sinabi niya na mahal niya raw ako. Totoo kaya yun? Hindi kaya binabangungot lang siya dahil nakainom kagabi?
Ayaw ko naman siyang komprontahin dahil wala naman itong binabanggit pagkagising. Baka hindi niya iyon maalala. Alangan naman na itanong ko pa sa kaniya, nakakahiya naman.
Bahala na nga!
Sa bilis ng oras nakarating kami ng Maynila gamit ang chopper ni Adam. Bagaman nakakatakot pa rin ay in-enjoy ko na lang dahil ayaw ko na makita ng Inay at Itay na natatakot ako dahil maski sila ay takot din. Pero kahit m
