ATARAH
TAAS ANG KILAY AT MATARAY AKONG TINALIKURAN ng tatlong babae matapos kong ipaubaya sa kanila ang sapatos na napili ko sana para ipang-regalo sa kaibigan ni Sir Damon. Nakatitig lang ako sa likuran ng babaeng nagngangalang Sherry habang naglalakad ito paalis. Hindi ko tuloy mapigilan ang kyuryusidad ko dahil sa sinabi niya tungkol kay Merideth.
Totoo kaya ang sinabi ng Sherry na iyon na may pinatay si Merideth? Malabo kasing magawa iyon ni Merideth dahil base sa mga sinabi ni Sir Damon ay mabait ito at mahinhin na halos hindi makabasag-pinggan. Hindi kaya gawa-gawa lang iyon ng Sherry dahil sa inggit.
“Atarah?”
Nanlaki ang mga mata ko nang marinig ko ang boses ni Sir Damon na papalapit. Dali-dali akong kumuha ng isang sapatos mula sa mga naka-display kahit hindi ko pa nasusuri
