CHA’s POV
Dumating lang sina Cassie, Callie at Ate Yolly ay umalis na si Tor. Hindi pa ako nakakapag-pasalamat sa kanya.
“Si Kuya iyon, siya ang nagdala sa iyo dito dahil biglang nanlambot ka raw.” Nakita ni Cassie na sinisilip ko ang papalabas na si Tor.
“Oo nga, mabuti at dumating siya kung hindi baka kung napaano na ako. May dalang patalim yung humila sa akin. Natatakot ako, ito na ba ang tinatawag na karma dahil naging salbahe ako sa inyo. Naging salbahe na ako kay Tor pero siya pa ang tumulong sa akin,” naluha ako ng maalala ko yung eksena kanina.
“Bakit ka naman makakarma? Wala ka namang ginawang masama sa amin. Naging totoo ka lang sa nararamdaman mo. Alam mo Cha ang sagot kung bakit nakasunod sa iyo si Kuya. No pressure at wala rin akong gustong sabihin kundi nag-aalala si
