TOR’s POV
Kahit kasama sa kahilingan ni Cha ang layuan ko siya ay hindi ko kayang hayaan siyang umuwi sa gabi na mag-isa. Kailangan kong masiguro ang kanyang kaligtasan lalo na pagkatapos sa muntikang mangyari noong Friday. Tuwing uwian naman sa gabi, lagi ko siyang sinusundan pero malayo ang distansya naming dalawa. Muntikan na akong mahuli kanina. Akala ko ay nakarating na siya sa boarding house, hindi pala at may mga lalaking plano siyang kunin.
Naantala rin kasi ang pagsunod ko dahil napadaan sa harap ko si Brent at may kausap. Plano ko rin sanang sundan kaya lang ay mas kailangan ako ni Cha kahit hindi niya sabihin. Kung kay Brent pala ako sumunod baka napakamak nang tuluyan ang aking asawa.
Hindi pa malinaw ang lahat. Sana’y mahuli ang mga salarin para malaman kung sino ang maste
