“SAAN ka na naman galing? Bakit ngayon ka lang umuwi?” galit na tanong ni Victoria kay Lucas na noon ay naglalakad papasok sa living roon.
“Nagbakasyon lang po.” magalang niyang tugon sa ina. Hahalik sana siya sa pisngi nito subalit umiwas ito.
“Linggo-linggo na lang nagbabakasyon ka. Ano ba’ng nangyayari sa ‘yo, Lucas? Napapabayaan mo na ang negosyo natin.”
“Mommy, gusto ko lang mag-unwind. Ilang taon na akong subsob sa negosyo natin. Hindi ba pwedeng bigyan ko naman ng time ang sarili ko?”
“Sino ‘yong babaeng kinalolokohan mo sa Mindoro? Akala mo ba hindi ko malalaman ang mga kalokohang ginagawa mo.”
Natigilan siya sa sinabi nito. Bilib na talaga siya sa radar ng ina dahil nalaman agad nito ang pinagkaka-abalahan niya nitong mga huling linggo.
“Her name is Geri. She’s my new girlfr
