PAGKAPATOS ng trabaho sa bar ay mag-isang nagtungo si Geri sa tabing dagat bitbit ang isang bote ng tequilla. Naupo siya sa buhanginan at niyakap ang sarili.
Isang mapait na ngiti ang sumilay sa kaniyang mga labi habang pinapanood ang mga alon na tila naglalaro pabalik-balik sa pampang. Tulad ng mga masasayang alaala nila ni Lucas na pabalik-balik pa rin sa utak niya.
Saksi ang dalampasigan na ito kung paano siya sinagip ni Lucas noong gabing nalunod siya, kung paano siya niligawan nito hanggang tuluyang mahulog ang puso niya rito at kung paano ito buong pusong nangako na habang buhay siya nitong mamahalin noong araw na kinasal sila.
Mga nabasag na pangako. Mga matatamis na alaala na napalitan ng mga mapapait na luha. Pagmamahal na unti-unting naglalaho at ngayon ay napapalitan na ng ma
